Скай

Скай (англ.: Isle of Skye, шатл. гэл.: An t-Eilean Sgitheanach) — востраў у архіпелагу Унутраныя Гебрыды на захадзе Шатландыі. Адміністрацыйна адносіцца да вобласці Хайленд.

Скай
Пейзаж вострава Скай
Характарыстыкі
Плошча	1 656,25 км²
Найвышэйшы пункт	993 м
Насельніцтва	10 008 чал. (2011)
Шчыльнасць насельніцтва	6,04 чал./км²
Размяшчэнне
57°20′ пн. ш. 06°16′ з. д.HGЯO
Архіпелаг	Унутраныя Гебрыды
Акваторыя	Атлантычны акіян
Краіна	Вялікабрытанія
Рэгіён	Шатландыя
Раён	Хайленд
Скай
Скай
Медыяфайлы на Вікісховішчы

У паняцця ёсць і іншыя значэнні, гл. Скай (значэнні).

Геаграфія

Плошча — 1656,25 км², гэта другі па велічыні востраў краіны пасля Льюіс-энд-Гарыс (за выняткам Вялікабрытаніі). Рэльеф мясцовасці гарысты, вышэйшы пункт — 993 м над узроўнем мора (г. Скур-Аласдайр), што робіць востраў трэцім па вышыні сярод Брытанскіх астравоў пасля Вялікабрытаніі і Ірландыі. Клімат вільготны, марскі, з частымі ападкамі ў любую пару года.

Насельніцтва

На Скаі жыве больш за 10 008 жыхароў (2011), гэта 4-ы па населенасці востраў Шатландыі. Найбуйнейшы населены пункт — горад Портры. Скай — адна з нешматлікіх абласцей, дзе гэльская шатландская мова з'яўляецца роднай для значнай часткі насельніцтва, хоць яго значэнне памяншаецца. Калі ў 1900—1910-я гг. гэльская была роднай для больш чым 75 % насельніцтва, у 1971 годзе — прыкладна для паловы насельніцтва, то ў 2001 годзе ўжо для 31 %.^[1]

Інфраструктура

Мост Скай-Брыдж злучае востраў з пасёлкам Кайл-оф-Лохалш у асноўнай частцы краіны. Аэрадром Бродфард цяпер для рэгулярных рэйсаў не выкарыстоўваецца.

Галерэя

• 
  Скала Олд-Мен-оф-Стор
• 
  Прыбярэжныя скалы вострава
• 
  Мыс Ніст-Пойнт

Зноскі

1. Mac an Tàilleir, Iain (2004) 1901—2001 Gaelic in the Census (нявызн.)(недаступная спасылка). Архівавана з першакрыніцы 7 снежня 2010. Праверана 18 верасня 2014.