Вось супраціву

Вось супраціву (перс.: محور مقاومت, араб. محور المقاومة‎) — неафіцыйная антыізраільская і антызаходняя ваенна-палітычная кааліцыя на чале з Іранам^[1][2]. У яе ўваходзяць розныя ўзброеныя групоўкі ў Палесціне, Сірыі і Ліване^[3][4]. Сірыйскія апалчэнцы-баасісты, іракскія шыіцкія ісламісты, якія ўваходзяць у склад санкцыянаваных іракскім урадам Сіл народнай мабілізацыі, і рух хусітаў у Емене, таксама лічацца часткай альянсу.

Упершыню тэрмін «вось супраціву» быў выкарыстаны лівійскай штодзённай газетай «Аз-Захф Аль-Ахдар» у адказ на заяву амерыканскага прэзідэнта Джорджа Буша пра «вось зла»^[5].

Праграма кааліцыі складаецца з трох асноўных слупоў: захаванне рэжыму Башара Асада ў Сірыі, падтрыманне доступу да паставак зброі і грошай з Ірана, недапушчэнне прыходу да ўлады ў Сірыі суніцкага ўрада^[6]. Акрамя таго, вось выступае супраць Ізраіля^[7] і імкнецца да яго поўнага знішчэння^{[8][9][10][11]}.