Врбас (рака)

Врбас (сербск.: Врбас) — рака ў Босніі і Герцагавіне, правы прыток Савы. Даўжыня ракі складае 240 км^[1], сярэдні расход вады — 102 м³/c. Этымалогія назвы ўзыходзіць да серба-харвацкага «Врба» (вярба).

Врбас
серб. Врбас, басн. Vrbas
Врбас у горадзе Баня-Лука
Характарыстыка
Даўжыня	240 км
Басейн	5 023 км²
Расход вады	102 м³/с
Вадацёк
Выток
• Месцазнаходжанне	Дзінарскае нагор'е, Боснія і Герцагавіна
• Вышыня	1780 м
• Каардынаты	43°54′47″ пн. ш. 17°49′38″ у. д.HGЯO
Вусце	Сава
• Каардынаты	45°06′28″ пн. ш. 17°30′49″ у. д.HGЯO
Размяшчэнне
Водная сістэма	Сава → Дунай → Чорнае мора
Краіна	Боснія і Герцагавіна
— выток, — вусце
Медыяфайлы на Вікісховішчы

У паняцця ёсць і іншыя значэнні, гл. Врбас.

Врбас бярэ пачатак на схіле гары Враніца (баснійская частка Дзінарскага нагор’я). Цячэ амаль на ўсім працягу на поўнач, у верхнім цячэнні рака мае горны характар, у рэчышчы — парогі, ёсць некалькі вадаспадаў. У ніжнім цячэнні рака становіцца больш спакойнай.

На берагах ракі знаходзіцца горад Баня-Лука, дэ-факта сталіца Рэспублікі Сербскай. Найбуйнейшы прыток — рака Врбаня, якая ўпадае ў Врбас у межах Бані-Лукі. Врбас упадае ў Саву каля горада Србац.

У 1982 годзе вышэй Бані-Лукі на Врбасе была пабудавана гідраэлектрастанцыя Бочац, у сувязі з чым на рацэ ўтварылася вадасховішча (Jezero Bočac) даўжынёй каля 20 кіламетраў.

Фотагалерэя

• 
  Врбас каля Бані-Лукі
• 
  Вадаспад каля Яйцаў
• 
  Вадасховішча Бочац
• 
  Врбас каля Наваселіі

Зноскі

1. Fakten über Bosnien und Herzegowina (ням.)(недаступная спасылка). Афіцыйны сайт пасольства Босніі і Герцагавіны ў Германіі. Архівавана з першакрыніцы 1 жніўня 2007. Праверана 15 чэрвеня 2009.