Вулканічная бомба

Вулканічная бомба — камяк лавы, выкінуты падчас вывяржэння ў вадкім або пластычным стане. Атрымоўвае у палёце тую ці іншую форму. Памеры вулканічнай бомбы ад 1 см да 7 м у даўжыню. Асноўнымі формамі вулканічных бомб з'яўляюцца: ляпёшкападобная - характэрная для вельмі вадкіх лаў, камякі якіх, падаючы на зямлю, плюшчацца ў аладку; кручаная, веацянападобная, грушападобная, шаравая, стужкападобная і іншыя - для малавязкіх базальтавых лаў, якія цвярдзеюць і прымаюць названыя формы ў палёце; круглявыя або няправільна-шматгранныя камякі лавы, пакрытыя сеткай трэшчынак (вулканічныя бомбы тыпу хлебнай скарынкі) - для глейкіх кіслых і андэзітавых лаў.

Вулканічная бомба, «выкінутая» вулканам Кілаўэа ў 1983 годзе.

Вулканічная бомба, знойдзеная ў Чэхіі.

Вулканічная бомба, у Штроне, Рэйнланд-Пфальц, Германія, дыяметрам 5 метраў і масай 120 тон. Гэта было выклікана вывяржэннем вулкана ў 8300 годзе да нашай эры.

Літаратура

• Вулканическая бомба // Большая советская энциклопедия : ([в 30 т.]) / гл. ред. А. М. Прохоров. — 3-е изд.. — М. : Советская энциклопедия, 1969—1978. (руск.)

Спасылкі

• На Вікісховішчы ёсць медыяфайлы па тэме Вулканічная бомба