Выгада (возера)

У паняцця ёсць і іншыя значэнні, гл. Выгада.

Вы́гада — возера ў Глускім раёне Магілёўскай вобласці Беларусі ў басейне ракі Зарудзеча (прыток Пцічы), за 7 км у напрамку на захад ад Глуска, прыкладна за 2,7 км на захад ад вёскі Мыслоціна.

Выгада
Морфаметрыя
Вышыня над узроўнем мора	147,0 м
Даўжыня	1,35 км
Шырыня	0,9 км
Плошча	0,78 км²
Аб’ём	0,0004 км³
Даўжыня берагавой лініі	3,4 км
Найбольшая глыбіня	0,5 м
Размяшчэнне
Краіна	Беларусь
Рэгіён	Магілёўская вобласць
Выгада
Выгада

Плошча паверхні возера 0,78 км². Даўжыня 1,35 км, найбольшая шырыня 0,9 (0.84^[1])км, даўжыня берагавой лініі каля 3,4^[1] км. Найбольшая глыбіня 0,5 (1) м. Аб'ём вады ў возеры каля 0,4^[1] млн м³.
Катлавіна возера знаходзіцца сярод забалочанай мясцовасці. Берагі нізкія і пясчаныя, заходнія забалочаныя. Дно возера тарфяністае, высланае сапрапелем. Цалкам зарастае. Улетку возера амаль перасыхае. Пратокай злучаецца з сеткай меліярацыйных каналаў.

У возера водзіцца карась залаты.

Зноскі

1. Иванов-Смоленский В. Г. Все озёра Беларуси. Популярная иллюстрированная энциклопедия. Т. 2. (руск.)