Высокаўскі сельсавет (Бярозаўскі раён)

У паняцця ёсць і іншыя значэнні, гл. Высокаўскі сельсавет.

Высо́каўскі сельсавет — былая адміністрацыйна-тэрытарыяльная адзінка ў складзе Бярозаўскага раёна Брэсцкай вобласці Беларусі. Цэнтр — вёска Высокае.

Высокаўскі сельсавет
Краіна	Беларусь
Уваходзіць у	Бярозаўскі раён
Адміністрацыйны цэнтр	Высокае
Дата ўтварэння	12 кастрычніка 1940
Дата скасавання	26 лютага 2002
Насельніцтва	725 чал. (1999)
Код аўтам. нумароў	1

Гісторыя

Утвораны 12 кастрычніка 1940 года ў складзе Бярозаўскага раёна Брэсцкай вобласці БССР. Цэнтр — вёска Высокая.

У канцы чэрвеня 1941 года сельсавет цалкам акупіраваны нямецкімі войскамі. Атрад палявой жандармерыі ў ліпені 1941 года ў вёсках сельсавета расстраляў актывіста Грамады і дэпутата сельсавета ад вёскі Перасудавічы Іосіфа Мікіціча, дэпутатаў сельсавета Панцялея Качына і Уладзіміра Дземідовіча. Усяго было расстраляна больш за дзесятак чалавек^[1].

16 ліпеня 1954 года сельсавет перайменаваны ў Перасудавіцкі, цэнтр перанесены ў вёску Перасудавічы^[2]. На 1 студзеня 1974 года ў складзе Перасудавіцкага сельсавета 4 населеныя пункты^[3]. 21 лістапада 1977 года цэнтр сельсавета перанесены ў вёску Высокае, а сельсавету вернута былая назва — Высокаўскі^[4]. 26 лютага 2002 года сельсавет скасаваны, яго тэрыторыя далучана да Стрыгінскага сельсавета.