Высокія Татры

Высокія Татры (славацк.: Vysoké Tatry) — найвышэйшая частка Татраў і ўсіх Карпатаў, частка Фатранска-Татранскай вобласці. Найвышэйшы пункт — гара Герлахаўскі-Шціт (2655 м).

возера Літваравы ў Высокіх Татрах (Польшча)

Высокія Татры
славацк. Vysoké Tatry, польск. Tatry Wysokie
Панарама Высокіх Татраў
Краіны	Славакія  Польшча
Плошча	341 км²
Даўжыня	26 км
Шырыня	17 км
Найвышэйшая вяршыня	Герлахаўскі Шціт
Найвышэйшы пункт	2655 м
Медыяфайлы на Вікісховішчы

Пікі

15 самых высокіх пунктаў Высокіх Татраў усе размешчаны ў Славакіі:

• Герлахаўскі Шціт, 2655 м.
• Герлахаўска Вежа, 2642 м.
• Ламніцкі Шціт, 2634 м.
• Лядовы Шціт, 2627 м.
• Пышны Шціт, 2623 м.
• Задні Герлах, 2616 м.
• Лавінавы Шціт, 2606 м.
• Малы Лядовы Шціт, 2602 м.
• Катловы Шціт, 2601 м.
• Лавінава Вежа, 2600 м.
• Малы Пышны Шціт, 2591 м.
• Велка Літворава Вежа, 2581 м.
• Страпата Вежа, 2565 м.
• Кежмарскі Шціт, 2556 м.
• Высока, 2230 м.

Даліны

Морске Вока

У Высокіх Татрах 23 даліны, большасць са славацкага боку.

Азёры

Найбольшае, Морске-Вока плошчай 34,54 га, глыбінёй 50,8 м, вышыня над узроўнем мора 1395,4 м, знаходзіцца з польскага боку. Найглыбейшае Вельке-Гінцава-Плес (20,08 га, 53 м, 1946 м), якое знаходзіцца ў Славакіі. Папулярны ў турыстаў Штрбске Плеса і Попрадске Плеса.

Вадаспады

Найбольш вядомыя вадаспады знаходзяцца на рацэ Сцюдзёны Паток. Самы вялікі, але не самы высокі, вадаспад з польскага боку — Сіклава. Яго вышыня 64-70 м, нахіл каля 35 °.

Флора і фауна

На славацкім і польскім баку ёсць запаведнікі — Татранскія Народныя Паркі, дзе жыве мноства ахоўных відаў раслін і жывёл.

Гарады

На тэрыторыі Высокіх Татраў знаходзіцца адзіны горад — Высоке Татры, які з’яўляецца базавым для экскурсій у Высокія Татры.

Навука

У Высокіх Татрах размешчаны дзве асноўныя астранамічныя абсерваторыі Славакіі: абсерваторыя Скалнатэ Плеса і абсерваторыя Ламніцкі Шціт.

Спасылкі

• На Вікісховішчы ёсць медыяфайлы па тэме Высокія Татры