Вышэйшая камуністычная сельскагаспадарчая школа Беларусі імя У. І. Леніна

Вышэйшая камуністычная сельскагаспадарчая школа Беларусі імя У. І. Леніна (ВКСГШБ) — навучальная ўстанова, якая існавала з кастрычніка 1932 года да сакавіка 1939 года ў Мінску. Створана на базе Камуністычнага ўніверсітэта Беларусі. Мела сваю друкарню^[1].

Вышэйшая камуністычная сельскагаспадарчая школа Беларусі імя У. І. Леніна
Заснаваны	кастрычнік 1932
Год закрыцця	сакавік 1939
Краіна	Беларуская ССР
Размяшчэнне	Мінск

Рыхтавала арганізатараў сацыялістычнай сельскай гаспадаркі, кіруючых партыйных і савецкіх работнікаў раённага звяна. Кафедры ў 1934 годзе: палітэканоміі, эканамічнай палітыкі, ленінізму і гісторыі партыі, дыялектычнага матэрыялізму, гісторыі народаў СССР, усеагуальнай гісторыі, арганізацыі сельскагаспадарчай вытворчасці, аграноміі, жывёлагадоўлі, механізацыі сельскай гаспадаркі.

Па стане на студзень 1938 года рэктарам навучальнай ўстановы быў Юраў^[2].

Рэарганізавана ў сельскагаспадарчы тэхнікум.

Літаратура

• Вышэйшая камуністычная сельскагаспадарчая школа Беларусі імя У. І. Леніна // Беларуская энцыклапедыя: У 18 т. Т. 4: Варанецкі — Гальфстрым / Рэдкал.: Г. П. Пашкоў і інш. — Мн. : БелЭн, 1997. — Т. 4. — 480 с. — 10 000 экз. — ISBN 985-11-0035-8. — ISBN 985-11-0090-0 (т. 4).

Спасылкі

• Государственное учреждение «Национальный архив Республики Беларусь» — Фонд 1398 — Высшая коммунистическая сельскохозяйственная школа Белоруссии им. В. И. Ленина (ВКСХШБ), г. Минск

Зноскі

1. https://elib.bsu.by/handle/123456789/183173
2. https://files.knihi.com/Knihi/Pieryjodyka/Zviazda.zip/1938-200a.pdf