Вялікае Кізі

Вялікае Кізі́, Кізі (руск.: Большо́е Кизи́^[1], руск.: Кизи)^[2] — прэснаводнае возера ў Хабараўскім краі Расіі, на правабярэжнай пойме ракі Амур.

Вялікае Кізі
руск.: Большое Кизи
Морфаметрыя
Вышыня над узроўнем мора	6 м
Даўжыня	48 км
Шырыня	10 км
Плошча	281 км²
Найбольшая глыбіня	4 м
Басейн
Плошча вадазбору	5100 км²
Размяшчэнне
Краіна	Расія
Рэгіён	Хабараўскі край
Вялікае Кізі
Вялікае Кізі
Ідэнтыфікатары
ДВР	20030900211118100001622
Медыяфайлы на Вікісховішчы

Плошча паверхні возера 281 км². Даўжыня 48^[3] км, найбольшая шырыня 10^[3] км. Глыбіні да 4 м (пры сярэднім узроўню вады^[3]). Аб’ём вады ў возеры 0,7^[3] км³. Плошча вадазбору 5100 км².

Вялікае Кізі знаходзіцца ў міжгорнай катлавіне. Урэз вады на вышыні 6 м над узроўнем мора^[3]. Катлавіна возера падзяляецца на 3 плёсы: Айскі заліў, Ніжняе Кізі і Верхняе Кізі. Жыўленне снегавое і дажджавое. Упадаюць рэкі Яй, Шытнікаўская, Сігавая, Перабоеўка, Малая Сігавая, Малая Чыльба, Вялікая Чыльба, Дульдзі, пратока Марыінская і іншыя вадатокі^[2]. З ракой Амур возера звязанае пратокамі і ракой Амуркан. Замярзае Вялікае Кізі ў пачатку лістапада, ускрываецца ў сярэдзіне мая.

У возеры водзяцца галавень, галец, ялец, карась, акунь, мянтуз, омуль, плотка, рыбец, сіг, судак, шчупак, язь, шып і іншыя віды рыб^[3].

Каля паўночнага берага сёлы Марыінскі Рэйд, Вялікія Саннікі, Тулінскае^[3].

Зноскі

1. Большой энциклопедический словарь: В 2-х т. / Гл. ред. А. М. Прохоров. — М.: Сов. энциклопедия, 1991. — Т. 1. — С. 153. — 863 с. — 2 000 000 экз. — ISBN 5-85270-042-8 (т. 1.). (руск.)
2. Озеро Большое Кизи (Кизи) // Государственный водный реестр РФ (руск.)
3. Измайлова А. В. Кизи // Научно-популярная энциклопедия «Вода России» (руск.)