Карасі (род рыб)

У паняцця ёсць і іншыя значэнні, гл. Карась (значэнні).

У паняцця ёсць і іншыя значэнні, гл. Карасі.

Карась (Carassius) — род прэснаводных рыб сямейства карпавых.

Карасі (род рыб)
Карась звычайны (Carassius carassius)
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Другаснаротыя Тып:  Хордавыя Падтып:  Пазваночныя Інфратып:  Сківічнаротыя Клада:  Рыбы Надклас:  Касцявыя рыбы Клас:  Прамянёвапёрыя рыбы Падклас:  Навапёрыя рыбы Інфраклас:  Касцістыя рыбы Надатрад:  Ostariophysi Серыя:  Otophysi Атрад:  Карпападобныя Надсямейства:  Карпападобныя Сямейства:  Карпавыя Род:  Карасі
Міжнародная навуковая назва
Carassius (Linnaeus,1761)
Сістэматыка на Віківідах Выявы на Вікісховішчы ITIS   163349 NCBI   7956 EOL   24657

Апісанне

Даўжыня да 50 см, маса да 5 кг. Луска буйная. Цела высокае, спіна цёмна-карычневая, бакі залацістыя. Палавая спеласць у 2-5 гадоў. Для карася сярэбранага ўласцівы гінагенез. Нераст парцыённы. Кормяцца бентасам, планктонам, воднай расліннасцю, дэтрытам. Зімуюць на дне вадаёмаў, у муле.

Пашырэнне

Выдзяляецца 2 віды: карась звычайны, ці залаты (Carassius carassius), і карась сярэбраны (Carassius auratus), які бывае 2 падвідаў.

Жывуць карасі ў азёрах, рэках, сажалках. Карась залаты пашыраны ў Еўразіі. Ад падвіда карася сярэбранага паходзіць акварыумная залатая рыбка (Carassius auratus auratus), што жыве ў Кітаі; падвід Carassius auratus gibelio пашыраны ад басейна Амура да Заходняй Еўропы. На Беларусь карась сярэбраны завезены ў 1948 годзе.