Вялікая Ельня

Вялікая Ельня — возера ў Беларусі, у Браслаўскім раёне Віцебскай вобласці ў басейне ракі Друйка, за 16 км на паўночны ўсход ад горада Браслаў, каля вёскі Быстрамаўцы. Належыць да Абабіцкай групы азёр і знаходзіцца на тэрыторыі Нацыянальнага парка «Браслаўскія азёры».

Вялікая Ельня
Морфаметрыя
Вышыня над узроўнем мора	131,6[1] м
Даўжыня	1,35 км
Шырыня	0,57 км
Плошча	0,46 км²
Аб’ём	0,00211 км³
Даўжыня берагавой лініі	3,2 км
Найбольшая глыбіня	13,2 м
Сярэдняя глыбіня	4,6 м
Басейн
Плошча вадазбору	2,22 км²
Упадаюць	ручай
Выцякаюць	ручай
Размяшчэнне
Краіна	Беларусь
Рэгіён	Віцебская вобласць
Вялікая Ельня
Вялікая Ельня

Плошча паверхні 0,46 км². Найбольшая глыбіня 13,2 м, сярэдняя — 4,6 м. Даўжыня 1,35 км. Найбольшая шырыня 0,57 км. Даўжыня берагавой лініі 3,2 км. Аб’ём вады 2,11 млн м³. Плошча вадазбору 2,22 км².

Схілы катлавіны вышынёй 3—8 м (на поўначы і поўдні да 3 м), на захадзе стромкія, парослыя хмызняком, на ўсходзе спадзістыя, пад лугам. На поўначы і поўдні вузкія залівы. Берагі высокія, звілістыя, на захадзе зліваюцца са схіламі катлавіны. Уздоўж берага дно да глыбіні 6 м пясчанае, глыбей ілістае. Надводная расліннасць утварае паласу шырынёй 7—50 м да глыбіні 1,5—2 м, падводная пашырана да глыбіні 4 м. На поўначы ўпадае ручай з возера Малая Ельня, на ўсходзе выцякае ручай у возера Абаб’е.

Зноскі

1. Ліст карты N-35-07. Выданне 1984 года. Стан мясцовасці на 1982 год. (руск.)