Вяртанне (фільм, 2006)

У паняцця ёсць і іншыя значэнні, гл. Вяртанне.

«Вяртанне» (ісп.: Volver) — фільм Педра Альмадовара. Па словах рэжысёра, гэта гісторыя, у якой прысутнічаюць «бабуля, маці, дачка, здані і танга». Фільм удзельнічаў у конкурснай праграме Канскага кінафестывалю 2006 года. Педра Альмадовар атрымаў прыз за найлепшы сцэнарый, а актрысы, якія ўдзельнічалі ў фільме, атрымалі калектыўную ўзнагароду за акцёрскую працу.

Вяртанне
ісп.: Volver
Жанры	кінакамедыя, драматычны фільм, камедыйная драма[d] і крымінальны фільм[d]
Рэжысёр	Педра Альмадовар[1]
Прадзюсар	Esther García[d][1]
Сцэнарыст	Педра Альмадовар[1]
У галоўных ролях	Пенелопа Крус[1] Кармен Маўра[1] Lola Dueñas[d][1] Blanca Portillo[d][1] Чус Лампрэавэ[1] Yohana Cobo[d][1] Antonio de la Torre[d] Yolanda Ramos[d] María Isabel Díaz[d][2] Carmen Machi[d][2] Pilar Castro[d][2] Neus Sanz i Escobar[d][2]
Аператар	José Luis Alcaine Escaño[d][1]
Кампазітар	Альберта Іглесіяс[1]
Кінакампанія	El Deseo[d][3]
Працягласць	121 хв.[4]
Бюджэт	9 400 000 $
Зборы	87 200 000 $
Краіна	Іспанія[1]
Мова	іспанская
Год	10 сакавіка 2006[5], 3 жніўня 2006[6] і 17 сакавіка 2006[5]
IMDb	ID 0441909
Афіцыйны сайт

Анатацыя

Пенелопа Круc у ролі Раймунды

Педра Альмадовар працягвае адну са сваіх галоўных тэм — жанчыны. Гэта гісторыя пра тры пакаленні жанчын (бабуля, маці і дачка), прадстаўленая праз прызму сямейных, сяброўскіх, суседскіх і любоўных адносін.

Пасля сваёй смерці Ірэнэ вяртаецца ў родны горад у відзе здані, каб зрабіць тое, што не паспела пры жыцці — папрасіць прабачэння. У яе ёсць тайна.

Яна паўстае перад сваёй малодшай дачкой і ўнучкай. Пачынае весці звычайны лад жыцця: змяняе прычоску, рыхтуе ежу і нават уладкоўваецца на працу (дапамагае сваёй дачцэ — цырульніку). Ужо занадта натуральна і свабодна паводзіць сябе Ірэнэ для здані…

Адзіная, каго баіцца здань-маці — сваю старэйшую дачку — валявую Раймунду. У Раймунды, у сваю чаргу, таксама ёсць тайна, а з развіццём сюжэту з’яўляецца яшчэ адна. Ці змогуць гераіні вырашыць усе свае праблемы і ці прывядзе гэта да шчаслівага канца?

Узнагароды і намінацыі

• На Канскім кінафестывалі 2006 года фільм атрымаў узнагароды ў катэгорыях «Найлепшы сцэнарый» і «Найлепшая актрыса», прычым апошняя была прысуджана адразу шасці актрысам, якія зняліся ў фільме — Пенелопе Крус, Лоле Дуэньяс, Кармен Маўры, Бланцы Парцільё, Ёане Коба і Чус Лампрэаве.
• У 2006 годзе фільм атрымаў узнагароду ФІПРЭСІ ў катэгорыі «Фільм года» на міжнародным Сан-Себасцьянскім кінафестывалі.
• Быў прадстаўлены на кінафестывалі ў Таронта ў 2006 годзе.
• Па выніках 2006 года намінаваны на кінапрэмію Гоя ў 14 катэгорыях, у тым ліку «Найлепшы фільм», «Найлепшы рэжысёр», «Найлепшая жаночая роля», «Найлепшы арыгінальны сцэнарый» і 3 намінацыі ў катэгорыі «Найлепшая жаночая роля другога плану».

Цікавыя факты

• Volver — (з ісп. «вярнуцца») легендарнае аргенцінскае танга, увекавечанае Карласам Гардэлем. У фільме выканана Эстрэльяй Марэнтэ.
• У папярэдняй карціне Педра Альмадовара «Дурное выхаванне» (La mala educación, 2004) ёсць адзін намёк на фільм «Вяртанне» і адзін на творчасць Альмадовара: па-першае, афіша фільма Энрыке Гадэда «Бабуля — здань», па-другое, на яшчэ адной афішы ў кабінеце дырэктара El Azar S.L. злева ўнізе фігуруе імя актрысы Кармен Маўры, якая сыграла ў некалькіх фільмах Альмадовара.
• У карціне Педра Альмадовара «Кветка маёй таямніцы» (La flor de mi secreto, 1995) сюжэт «Вяртання» згадваецца як сюжэт адной з кніг, напісаных галоўнай гераіняй.

Зноскі

1. europeanfilmawards.eu Праверана 23 лютага 2022.

   <a href='https://wikidata.org/wiki/Track:Q101244563'></a>
2. Česko-Slovenská filmová databáze — 2001.

   <a href='https://wikidata.org/wiki/Track:Q3561957'></a>
3. https://web.archive.org/web/20180210180052/https://www.europeanfilmacademy.org/2006.122.0.html Праверана 21 сакавіка 2020.
4. Person Profile // Volver (I) (2006): Technical Specifications — 1990. Праверана 31 кастрычніка 2020.

   <a href='https://wikidata.org/wiki/Track:Q37312'></a>
5. Person Profile // Volver (I) (2006): Release Info — 1990. Праверана 31 кастрычніка 2020.

   <a href='https://wikidata.org/wiki/Track:Q37312'></a>
6. http://www.kinokalender.com/film5538_volver-zurueckkehren.html Праверана 19 снежня 2017.