Вячаслаў Станіслававіч Брыль

Вячасла́ў Станісла́вавіч Брыль (нар. 16 лютага 1967, Брэст) — беларускі дыпламат.

Вячаслаў Станіслававіч Брыль
Нараджэнне	16 лютага 1967(1967-02-16) (58 гадоў) Брэст, Брэсцкая вобласць, Беларуская ССР, СССР
Адукацыя	Беларускі нацыянальны тэхнічны ўніверсітэт (1991)

У Вікіпедыі ёсць артыкулы пра іншых людзей з прозвішчам Брыль.

Біяграфія

Скончыў Беларускі політэхнічны інстытут, спецыяльнасць — аўтаматызацыя і комплексная механізацыя машынабудавання (1991).

У 1985—1987 гадах — служба ў радах Савецкай Арміі, г. Мінск. У 1991—1996 гадах — праца на кіруючых пасадах у міжнародных камерцыйных структурах. У 1996—1997 гадах — віцэ-прэзідэнт сумеснага прадпрыемства «Каруна СБС Лімітэд», г. Мінск. У 1998—2001 гадах — дырэктар прадпрыемства «Ямалнефтегаздобыча», г. Мінск. У 2003—2011 гадах — дырэктар замежнага прадпрыемства «Джы2Экс Дэвелапмент Сервісіз», г. Мінск. У 2011—2013 гадах — дырэктар прыватнага замежнага прадпрыемства «Навагейт», г. Мінск. У 2013 годзе працаваў у структуры Беларускай гандлёва-прамысловай палаты, г. Мінск. У 2013—2014 гадах — дырэктар прыватнага выставачнага ўнітарнага прадпрыемства «Белінтэрэкспа» Беларускай гандлёва-прамысловай палаты, г. Мінск. У 2014—2018 гадах — намеснік Старшыні Беларускай гандлёва-прамысловай палаты, г. Мінск.

26 чэрвеня 2018 года Указам Прэзідэнта Рэспублікі Беларусь № 252 прызначаны Надзвычайным і Паўнамоцным Паслом Рэспублікі Беларусь у Федэратыўнай Рэспубліцы Нігерыя, Рэспубліцы Гана (па сумяшчальніцтве), Рэспубліцы Камерун (па сумяшчальніцтве). 18 верасня 2018 г. указам Прэзідэнта Рэспублікі Беларусь прызначаны Надзвычайным і Паўнамоцным Паслом Рэспублікі Беларусь у Рэспубліцы Кот-д’Івуар (па сумяшчальніцтве). 18 красавіка 2025 года вызвалены ад гэтых пасад.

Валодае англійскай мовай.

Узнагароджаны Ганаровай граматай Савета Міністраў Рэспублікі Беларусь.

Сям’я

Жанаты, мае сына і дачку.

Спасылкі

• Пасольства Рэспублікі Беларусь у Федэратыўнай Рэспубліцы Нігерыя — Пасол