Відзы (гміна)

Гміна Відзы (польск.: Gmina Widze) — колішняя вясковая гміна, што існавала да 1939 года на тэрыторыі Віленскай зямлі і Віленскага ваяводства (цяпер тэрыторыя Беларусі). Сядзіба размяшчалася ў мястэчку Відзы (856 жыхароў у 1921 годзе^[3][4]).

Відзы
польск.: Gmina Widze
Краіна	Польская Рэспубліка
Уваходзіць у	1919—1920: Віленская акруга 1920—1921: Навагрудская акруга 1921—1922: Навагрудскае ваяводства[1] 1922—1926: Віленская зямля 1926—1939: Віленскае ваяводства
Уключае	259 грамад
Адміністрацыйны цэнтр	Відзы
Дата ўтварэння	1921
Дата скасавання	1939
Насельніцтва (1931)	13 083[2]
Шчыльнасць	37 чал./км²
Плошча	354,9[2]

У паняцця ёсць і іншыя значэнні, гл. Відзы.

Першапачаткова тэрыторыя гміны ўваходзіла ў склад Новааляксандраўскага павета Ковенскай губерні. 31 кастрычніка 1919 года гміна ўвайшла ў склад новаўтворанага Браслаўскага павета Віленскай акругі пад кіраўніцтвам Цывільнага ўпраўлення Усходніх зямель^[5][6].

20 снежня 1920 гміна ўключана ў часовую Навагрудскую акругу^[7], а 19 лютага 1921 года — у Навагрудскае ваяводства^[8]. З 13 красавіка 1922 года — у складзе Віленскай зямлі^[9], а з 20 студзеня 1926 — у Віленскім ваяводстве^[10].

У лістападзе 1939 года тэрыторыя гміны ўключана ў склад БССР, скасаваная 15 студзеня 1940 года разам з іншымі гмінамі.

Дэмаграфія

Паводле перапісу насельніцтва 1921 года, у гміне пражывала 9 313 чалавек. З іх 7 721 вызнаваў каталіцтва, 105 — праваслаўе, 9 — евангельскую веру, 1 119 — стараверства, 318 — іўдаізм, 41 — іслам.

Па нацыянальнай прыналежнасці 8 585 жыхароў лічылі сябе палякамі, 240 — беларусамі, 6 — немцамі, 184 — яўрэямі, 197 — літоўцамі, 91 — рускімі, 6 — эстонцамі, 3 — чэхамі і 1 — фінам. У гміне было 1 727 жылых дамоў^[11].