Відэахостынг

Відэахостынг — вэб-сэрвіс, які дазваляе загружаць і праглядаць відэа ў браўзеры, напрыклад, праз адмысловы прайгравальнік. Большасць падобных сэрвісаў не прадастаўляюць відэа, паводле прынцыпу «кантэнт генерыруе карыстальнік» (User-generated content). Відэахостынгі сталі набіраць папулярнасць разам з распаўсюджваннем шырокапалоснага доступу ў інтэрнэт і развіццём цвёрдых дыскаў, на якіх захоўваюцца вялізныя аб’ёмы інфармацыі.

Спецыялізацыя

Большасць відэахостынгаў тэматычна не абмяжоўваюць напаўненне. Аднак некаторыя відэахостынгі займаюць спецыялізаваныя сектары, прапануючы тэматычныя парталы. Асаблівае месца займае SciVee — сэрвіс публікацыі навуковага і навукова-папулярнага відэакантэнту, а таксама тэкставых вынікаў даследаванняў у дадатак да яго.

Прававыя аспекты

У той час, як на некаторых сайтах праводзіцца жорсткі кантроль запампаваных файлаў (як, напрыклад, на Вікісховішчы, дзе захоўваецца мноства свабодных ролікаў), многія відэахостынгі адчуваюць праблемы, звязаныя з тым, што карыстальнікі ўкладаюць відэафайлы, не з’яўляючыся іх праваўладальнікамі.

Тэмпы росту аб’ёму і трафіка

У канцы 2007 года трафік YouTube перасягнуў сумарны трафік на тэрыторыі ЗША ўзору 2000 года^[1][2]. У канцы 2008 года YouTube і Hulu перасягнулі гэты паказчык у два разы^[1].

Зноскі

1. Cisco Visual Networking Index: 2008 Year in Review / Video Highlights // cisco.com, 8 снежня 2008.
2. Эксперты: Интернет ожидают пробки, как на дорогах (руск.)(недаступная спасылка). Архівавана з першакрыніцы 15 красавіка 2008.