Віктар Іванавіч Несцяровіч

Віктар Іванавіч Несцяровіч (1 верасня 1956, в. Макарычы Старадарожскага раёна Мінскай вобласці) — беларускі мовазнавец, кандыдат філалагічных навук (1983), дацэнт (1984).

Віктар Несцяровіч
Дата нараджэння	1 верасня 1956(1956-09-01) (69 гадоў)
Месца нараджэння	Макарычы, Старадарожскі сельсавет, Старадарожскі раён, Мінская вобласць, Беларуская ССР, СССР
Род дзейнасці	навуковец, выкладчык універсітэта
Навуковая сфера	мовазнаўства
Месца працы	Віцебскі дзяржаўны ўніверсітэт імя П. М. Машэрава
Навуковая ступень	кандыдат філалагічных навук (1983)
Навуковае званне	дацэнт (1984)
Альма-матар	Мінскі дзяржаўны педагагічны інстытут імя Максіма Горкага (1977)

У Вікіпедыі ёсць артыкулы пра іншых людзей з прозвішчам Несцяровіч.

Біяграфія

Скончыў МДПІ імя А. М. Горкага (1977), аспірантуру (1983), навуковыя кіраўнікі — прафесар Ф. М. Янкоўскі, доктар філалагічных навук А. К. Антановіч. Настаўнік (з 1977), у Віцебскім дзяржаўным універсітэце (з 1978), загадчык кафедры беларускай мовы (1983—1993), дэкан факультэта беларускай філалогіі і культуры (1993—2014), дацэнт кафедры беларускага мовазнаўства (з 2014).

Кірункі навуковай дзейнасці: мова кітабаў беларуска-літоўскіх татар. Сааўтар школьных падручнікаў па беларускай мове.

Асноўныя працы

Асабістыя

• Стараславянская мова : Уводзіны. Фанетыка : вучэб. дап. для студэнтаў філал. спецыяльнасцей. – Віцебск, Выд-ва Віцеб. дзярж. ун-та, 2000. – 85 с.
• Старажытныя рукапісы беларускіх татар (Графіка. Транслітарацыя. Агульная характарыстыка мовы. Фразеалогія) : манаграфія. — Віцебск: Віцеб. дзярж. ун-т імя П. М. Машэрава, 2003. — 103 с.
• Гістарычная граматыка беларускай мовы: Уводзіны. Фанетыка : вучэбна-метадычны комплекс. – Віцебск : ВДУ імя П. М. Машэрава, 2017. – 144 с.
• “Мірадж-намэ” з Кітаба Абрагіма Хасяневіча (1832) : манаграфія. – Віцебск : ВДУ імя П. М. Машэрава, 2025. – 326 с. : іл.

У сааўтарстве

• Беларуская мова. 4 кл. (1989, 1991, 1993).
• Беларуская мова. 5 кл. (1992, 1994, 1998, 2001, 2002, 2008, 2014).
• Беларуская мова. 11 кл. (1999).
• Адваротны слоўнік беларускай мовы (1994).
• Русско-белорусский словарь: информатика, телекоммуникации и связь, физика (2022).