Старадарожскі сельсавет

Старадаро́жскі сельсаве́т — адміністрацыйна-тэрытарыяльная адзінка ў складзе Старадарожскага раёна Мінскай вобласці Беларусі. Цэнтр — аграгарадок (да 2009 г. вёска) Старыя Дарогі.

Старадарожскі сельсавет
Краіна	Беларусь
Статус	сельсавет
Уваходзіць у	Старадарожскі раён
Уключае	12 населеных пунктаў
Адміністрацыйны цэнтр	аграгарадок Старыя Дарогі
Дата ўтварэння	20 жніўня 1924
Старшыня	Свірскі Уладзімір Уладзіміравіч
Насельніцтва (2019)	1 676
Часавы пояс	+2
Код аўтам. нумароў	5
Афіцыйны сайт

Геаграфія

Старадарожскі сельсавет мяжуе з Новадарожскім, Палажэвіцкім, Дражнаўскім, Языльскім сельсаветамі Старадарожскага раёна Мінскай вобласці.

Гісторыя

Утвораны 20 жніўня 1924 года ў складзе Старадарожскага раёна Слуцкай акругі БССР. З 9 чэрвеня 1927 года ў складзе Бабруйскай акругі. Пасля скасавання акруговай сістэмы 26 ліпеня 1930 года ў Старадарожскім раёне БССР. Пасля ўвядзення абласнога падзелу 20 лютага 1938 года ў Старадарожскім раёне Мінскай вобласці. З 20 верасня 1944 года па 8 студзеня 1954 года ў складзе Бабруйскай вобласці. З 25 снежня 1962 года сельсавет у складзе Слуцкага раёна. З 30 ліпеня 1966 года ў складзе адноўленага Старадарожскага раёна. У 1967 годзе ў склад Палажэвіцкага сельсавета перададзена вёска Шчыты^[1].

Населеныя пункты

У склад сельсавета ўваходзяць 12 населеных пунктаў:

• аграгарадок Старыя Дарогі
• аграгарадок Шапчыцы
• вёска Аляксандраўка
• вёска Дубное
• вёска Кармазы
• вёска Лагі
• вёска Макарычы
• вёска Новіны
• вёска Оршаль
• вёска Слабодка
• вёска Старыя Ісаевічы
• раз'езд Фалічы

Насельніцтва

Насельніцтва сельсавета паводле перапісу 2009 года — 1724 чалавекі^[2], з іх 92,7 % — беларусы, 5,5 % — рускія, 0,9 % — украінцы^[3]; паводле перапісу 2019 года — 1676 чалавек^[4].

Вытворчая сфера

• Старадарожскае лясніцтва ДВЛГУ «Старадарожскі вопытны лясгас»
• ЛДД-683 ДЭУ-68
• ААТ «Старадарожскае»
• ТАА «Шапчыцы-агра».

Сацыяльна-культурная сфера

• Ахова здароўя: тры фельчарска-акушэрскіх пункта ў аг. Старыя Дарогі і Шапчыцы, в. Макарычы.
• Адукацыя: две дашкольныя установы ў аг. Старыя Дарогі і Шапчыцы.
• Культура: Старадарожскі сельскі цэнтр культуры і адпачынку, бібліятэка-клуб у аг. Шапчыцы, бібліятэка ў аг. Старыя Дарогі.

Зноскі

1. Рашэнні выканкома Мінскага абласнога Савета дэпутатаў працоўных ад 11 і 25 мая 1967 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1967, № 18 (1176).
2. Колькасць насельніцтва населеных пунктаў Мінскай вобласці Беларусі паводле перапісу 2009 года
3. Этнічны склад насельніцтва сельсаветаў Беларусі паводле перапісу 2009 года
4. Колькасць насельніцтва населеных пунктаў Мінскай вобласці Беларусі паводле перапісу 2019 года