Віктар Браніслававіч Дайліда

Віктар Браніслававіч Дайліда (28 верасня 1930, в. Славінск, Слуцкі раён, Мінская вобласць — 21 жніўня 2006) — беларускі паэт і пісьменнік. Бацька крытыка Лады Алейнік.

Віктар Браніслававіч Дайліда
Асабістыя звесткі
Дата нараджэння	28 верасня 1930(1930-09-28)
Месца нараджэння	Славінск, Ленінскі сельсавет, Слуцкі раён, Беларуская ССР, СССР
Дата смерці	21 жніўня 2006(2006-08-21) (75 гадоў)
Пахаванне	Славінск
Грамадзянства	СССР  Беларусь
Дзеці	Лада Віктараўна Алейнік
Альма-матар	Бабруйскі дзяржаўны настаўніцкі інстытут Міністэрства асветы БССР БДПУ Баранавіцкі дзяржаўны настаўніцкі інстытут (1952)
Прафесійная дзейнасць
Род дзейнасці	паэт, пісьменнік, дырэктар школы
Мова твораў	беларуская
Грамадская дзейнасць
Член у	Саюз беларускіх пісьменнікаў
Узнагароды	Выдатнік народнай асветы БССР[d]

У Вікіпедыі ёсць артыкулы пра іншых людзей з прозвішчам Дайліда.

Біяграфія

Нарадзіўся ў сялянскай сям’і. У 1952 годзе скончыў Баранавіцкі настаўніцкі інстытут. Настаўнічаў у Пастарынскай сямігадовай школе. Скончыў у 1957 годзе завочна факультэт беларускай мовы і літаратуры Мінскага педагагічнага інстытута імя Максіма Горкага.

Быў намеснікам дырэктара Ішкалдскай (1957—1959), дырэктарам Войкавіцкай (1959—1962) васьмігадовых школ Баранавіцкага раёна, старшым рэдактарам на Брэсцкай студыі тэлебачання (1962). У 1962—1973 гадах — дырэктар Чапліцкай сярэдняй школы Слуцкага раёна, у 1973—1982 — намеснік дырэктара Бюро прапаганды мастацкай літаратуры СП БССР. Выдатнік народнай асветы БССР (1968).

Член Саюза пісьменнікаў Беларусі з 1969 года^[1].

Пахаваны на могілках в. Славінск Слуцкага раёна^[1].

Творчасць

Дэбютаваў у друку ў 1953 годзе. Аўтар зборнікаў аповесцей і апавяданняў «Вясна, хлопцы, вясна» (1966), «Была вайна» (1969), «Буслы над вёскай» (1979), «Гарох пры дарозе» (1991), кніг для дзяцей «Пяро дзікай качкі» (1977), «Сустрэча з маленствам» (1980), «Гнядыя коні» (1991), зборніка гумарэсак «Пыжыкавая шапка» (1986), дакументальнай аповесці «Тут яго сэрца» (2005).

Зноскі

1. Дайліда Віктар – Белліт  (бел.) (9 кастрычніка 2023). Праверана 23 жніўня 2024.