Віктар Нічыпаравіч Дашук

У Вікіпедыі ёсць артыкулы пра іншых людзей з прозвішчам Дашук.

Ві́ктар Нічы́паравіч Дашу́к (нар. 16 верасня 1938(1938-09-16), Валокі, Палеская вобласць) — беларускі кінарэжысёр-дакументаліст. Народны артыст Беларускай ССР (1990).

Віктар Нічыпаравіч Дашук
Дата нараджэння	16 верасня 1938(1938-09-16) (86 гадоў)
Месца нараджэння	Валокі, Валоцкі сельсавет, Хойніцкі раён, Палеская вобласць, Беларуская ССР, СССР
Грамадзянства	Беларусь  СССР
Адукацыя	факультэт журналістыкі БДУ Вышэйшыя курсы сцэнарыстаў і рэжысёраў
Месца працы	Беларусьфільм
Прафесія	кінарэжысёр, сцэнарыст
Прэміі	Прэмія Ленінскага камсамола Беларусі (1976)
Узнагароды	Заслужаны дзеяч мастацтваў БССР (1977) Народны артыст Беларускай ССР (1990)
IMDb	1045130
Медыяфайлы на Вікісховішчы

Біяграфія

Нарадзіўся 16 верасня 1938 года ў в. Валокі Хойніцкага раёна Гомельскай вобласці.

Скончыў факультэт журналістыкі Беларускага дзяржаўнага ўніверсітэта (1960), Вышэйшыя курсы сцэнарыстаў і рэжысёраў у Маскве (аддзяленне кінарэжысуры, майстэрня Л. Траўберга, 1967).

З 1960 года працаваў на кінастудыі «Беларусьфільм»: быў адміністратарам, асістэнтам аператара, кінарэжысёра; з 1963 года — рэжысёр, аператар, сцэнарыст у дакументальным і мастацкім кіно. Стварыў студыю «Спадар Д.» (1993—2005). Выконваў абавязкі прафесара Беларускай акадэміі мастацтваў, кіраўнік майстэрні рэжысуры дакументальнага кіно (1989—1993).

Жанаты, мае дваіх дзяцей і дваіх ўнукаў.

Творчасць

Па ўласных сцэнарыях зняў больш за 80 твораў (у т. л. злабаднеўныя дакументальныя фільмы «Ноч доўгіх нажоў», «Рэпартаж з клеткі для трусоў»). Выступае з публіцыстычнымі артыкуламі.

Фільмаграфія

• Дом (1970)
• Безумству храбрых (1970)
• Даўным-даўно скончаны бой (1970)
• Зязюля кукавала… (1972)
• Біяграфія паланэза ля мінор (1973)
• Я з вогненнай вёскі (1975—1978)
• Развітанне (1980)
• У вайны не жаночы твар (1980—1984)
• Труба (1981)
• Дзевяноста шостая восень (1981)
• Васіль Быкаў. Узыходжанне (1984)
• Двое на востраве слёз (1987, маст. фільм)
• Чурбанаў і іншыя (1989)
• Форс-мажор (1990)
• Віцебская справа (1989—1991)
• Салодкая атрута кахання (1995, х/ф)
• Паміж Сатаной і Богам (1997)
• Ноч доўгіх нажоў (1998) — забаронены ў Беларусі
• Рэпартаж з клеткі для трусоў (2000) — забаронены ў Беларусі
• Дэкамерон па-беларуску (2003)
• Magnum misteria (2004)
• Леанiд Левiн. Вайна i любоў (2006)

Узнагароды

• Прэмія Ленінскага камсамола Беларусі (1976);
• Заслужаны дзеяч мастацтваў БССР (1977);
• Дзяржаўная прэмія СССР (1985) — за цыклы фільмаў «Я з вогненнай вёскі» і «У вайны не жаночы твар»;
• Народны артыст Беларускай ССР (1990);
• першыя прэміі на кінафестывалях у Фрунзэ, Кіеве, Таліне, Любліне;
• ганаровы дыплом журы 42-га Міжнароднага кінафестывалю ў Кракаве (2003);
• прыз «Срэбны голуб» на Міжнародным фэсце ў Лейпцыгу (1984) — за фільм «Я сустрэў вас».

Зноскі