Віктар Іосіфавіч Кураш

У Вікіпедыі ёсць артыкулы пра іншых людзей з прозвішчам Кураш (значэнні).

Віктар Іосіфавіч Кураш (нар. 28 красавіка 1958, в. Юхнавічы, Дзяржынскі раён) — беларускі дзяржаўны дзеяч.

Віктар Іосіфавіч Кураш
намеснік міністра культуры Рэспублікі Беларусь[d] 2007 — 2013
Нараджэнне	28 красавіка 1958(1958-04-28) (67 гадоў) Юхнавічы, Путчынскі сельсавет, Дзяржынскі раён, Мінская вобласць, Беларуская ССР, СССР
Адукацыя	БДУ Акадэмія кіравання пры Прэзідэнце Рэспублікі Беларусь
Месца працы	Мінскі гарадскі выканаўчы камітэт Міністэрства культуры Рэспублікі Беларусь Нацыянальны архіў Рэспублікі Беларусь Дэпартамент па архівах і справаводстве Міністэрства юстыцыі Рэспублікі Беларусь
Узнагароды	Ганаровая грамата Савета Міністраў Рэспублікі Беларусь грамата Мінскага гарадскога выканаўчага камітэта[d] грамата Мінскага гарадскога Савета дэпутатаў[d]

Біяграфія

Нарадзіўся 28 красавіка 1958 года ў в. Юхнавічы Дзяржынскага раёна Мінскай вобласці^[1].

У 1983 годзе скончыў Беларускі дзяржаўны ўніверсітэт. Працоўную дзейнасць пачаў у 1983 годзе, працаваў на выкладчыцкай працы, у камсамольскіх органах у г. Мінску, у 1986—1995 гг. — памочнікам намесніка старшыні Мінгарвыканкама. З 1995 па 2007 гг. займаў пасаду начальніка ўпраўлення культуры Мінгарвыканкама^[1].

У 2000 годзе скончыў Акадэмію кіравання пры Прэзідэнце Рэспублікі Беларусь^[1].

З 2007 па 2013 гадах працаваў намеснікам Міністра культуры Рэспублікі Беларусь. З 2015 года — дырэктар Нацыянальнага архіва Рэспублікі Беларусь^[1].

З 14 сакавіка 2017 года^[1][2] па 18 студзеня 2023 года^[3] працаваў дырэктарам Дэпартамента па архівах і справаводству Міністэрства юстыцыі Рэспублікі Беларусь.

Узнагароды

• Ганаровая грамата Савета Міністраў Рэспублікі Беларусь;
• грамата Мінскага гарадскога выканаўчага камітэта;
• грамата Мінскага гарадскога Савета дэпутатаў;
• граматы міністэрстваў і ведамстваў, прафсаюзных, камсамольскіх органаў, рэлігійных і міжнародных арганізацый;
• юбілейныя медалі, нагрудныя знакі^[1].

Зноскі

1. Біяграфія. Кураш Віктар Іосіфавіч (нявызн.). Дэпартамент па архівах і справаводстве Міністэрства юстыцыі Рэспублікі Беларусь.
2. Пастанова Савета Міністраў Рэспублікі Беларусь ад 14 сакавіка 2017 г. № 199
3. Пастанова Савета Міністраў Рэспублікі Беларусь ад 18 студзеня 2023 г. № 45