Віктар Мікалаевіч Вятроў

Вíктар Мікалáевіч Вятрóў (1938, Рагачоў, Гомельская вобласць, БССР) — беларускі дзяржаўны дзеяч, былы міністр архітэктуры і будаўніцтва Беларусі (1997—1999).

Віктар Мікалаевіч Вятроў
Міністр архітэктуры і будаўніцтва Беларусі 13 сакавіка 1997 — 16 красавіка 1999
Прэзідэнт	Аляксандр Лукашэнка
Кіраўнік урада	Сяргей Лінг
Папярэднік	Генадзь Навіцкі
Пераемнік	Генадзь Курачкін
Нараджэнне	1938 Рагачоў, Рагачоўскі раён, СССР
Смерць	22 мая 2014(2014-05-22) Мінск, Беларусь
Адукацыя	Саратаўскі дзяржаўны тэхнічны ўніверсітэт імя Ю. А. Гагарына[d]
Узнагароды

Біяграфія

Нарадзіўся ў 1938 годзе ў Рагачове Гомельскай вобласці.

Скончыў Саратаўскі аўтамабільна-дарожны інстытут па спецыяльнасці «Інжынер-будаўнік».

Па камсамольскай пуцёўцы быў накіраваны ў Кузбас. Працоўную дзейнасць пачынаў інжынерам разрэза-будаўнічага ўпраўлення трэсту «Кемеравашахтбуд» у 1960 годзе. Пазней працаваў начальнікам аддзела капітальнага будаўніцтва трэсту «Кемерававугаль», начальнікам будаўнічага ўпраўлення трэсту «Кемераватрансдарбуд».

У 1967 годзе вярнуўся ў Беларусь. Амаль 20 гадоў ён працаваў у будаўнічых трэстаў Магілёва, узначальваў кіраванне Магілёўскага воблмежсельгасбуду.

У 1986—1994 гадах быў першым намеснікам старшыні кіравання Белсельбуду.

9 верасня 1994 указам Прэзідэнта быў прызначаны першым намеснікам міністра архітэктуры і будаўніцтва Рэспублікі Беларусь.

З 13 сакавіка 1997 — міністр архітэктуры і будаўніцтва^[1].

Узнагароды

• «Заслужаны будаўнік БССР» (1985)
• Падзяка Прэзідэнта Рэспублікі Беларусь

Зноскі

1. Указ Прэзідэнта Рэспублікі Беларусь ад 13 сакавіка 1997 №189 "Аб прызначэнні В.М.Ветрава Міністрам архітэктуры і будаўніцтва Рэспублікі Беларусь" (нявызн.)(недаступная спасылка). Архівавана з першакрыніцы 10 лістапада 2016. Праверана 9 чэрвеня 2015.