Віктар Мікалаевіч Шынкевіч

У Вікіпедыі ёсць артыкулы пра іншых людзей з прозвішчам Шынкевіч.

Віктар Мікалаевіч Шынкевіч (28 кастрычніка 1960, в. Кромавічы, Докшыцкі раён, Віцебская вобласць) — беларускі ваенны, начальнік Службы бяспекі Прэзідэнта Рэспублікі Беларусь (2014—2016). Палкоўнік.

Віктар Мікалаевіч Шынкевіч
Дата нараджэння	28 кастрычніка 1960(1960-10-28) (64 гады)
Месца нараджэння	Кромавічы, Бярозкаўскі сельсавет, Докшыцкі раён, Віцебская вобласць, Беларуская ССР, СССР
Альма-матар	Беларускі тэхналагічны інстытут імя С. М. Кірава (1982) Вышэйшыя курсы КДБ СССР[d] (1987) Акадэмія кіравання пры Прэзідэнце Рэспублікі Беларусь (2002)
Узнагароды і званні	Ганаровая грамата Савета Міністраў Рэспублікі Беларусь (2015)

Біяграфія

Нарадзіўся 28 кастрычніка 1960 года ў в. Кромавічы Докшыцкага раёна Віцебскай вобласці.

У 1982 годзе скончыў Беларускі тэхналагічны інстытут, у 1987 годзе — Вышэйшыя курсы КДБ СССР, у 2002 годзе — Акадэмію кіравання пры Прэзідэнце Рэспублікі Беларусь. З 1986 па 1995 гады праходзіў службу на розных пасадах у органах дзяржбяспекі^[1].

З 1995 года працаваў у Службе бяспекі Прэзідэнта Рэспублікі Беларусь. У 1996 годзе з’яўляўся ахоўнікам старшыні Вярхоўнага Савета Рэспублікі Беларусь Сямёна Шарэцкага^[2]. З 2004 года па 20 кастрычніка 2014 года^[3] з’яўляўся намеснікам начальніка Службы бяспекі Прэзідэнта Рэспублікі Беларусь.

З 20 кастрычніка 2014 года^[3] па 21 снежня 2016 года^[4] працаваў начальнікам Службы бяспекі Прэзідэнта Рэспублікі Беларусь.

Уваходзіў у склад прэзідыума цэнтральнага савета Беларускага фізкультурна-спартыўнае таварыства «Дынама»^[5].

Хобі

Любіць паляванне^[6], з’яўляецца членам Беларускага таварыства паляўнічых і рыбаловаў.

Узнагароды

• Медаль «За бездакорную службу» III ступені,
• Медаль «За бездакорную службу» II ступені,
• Медаль «За бездакорную службу» I ступені (2008)^[7],
• ордэн «За службу Радзіме» III ступені,
• Ганаровая грамата Савета Міністраў Рэспублікі Беларусь (2015)^[8].

Зноскі

1. Начальником Службы безопасности Президента Беларуси назначен Виктор Шинкевич
2. Охранник Шарецкого возглавил службу безопасности Лукашенко (нявызн.)(недаступная спасылка). Архівавана з першакрыніцы 5 кастрычніка 2021. Праверана 5 кастрычніка 2021.
3. Указ Президента Республики Беларусь от 20 октября 2014 года № 496 «О назначении В. Н. Шинкевича» Архівавана 5 кастрычніка 2021.
4. Указ Президента Республики Беларусь от 21 декабря 2016 года № 474 «Об освобождении от должности» Архівавана 5 кастрычніка 2021.
5. Чемпионат по рукопашному бою Архівавана 5 кастрычніка 2021.
6. Как сложились судьбы тех, кто возглавлял службу безопасности Лукашенко Архівавана 5 кастрычніка 2021.
7. Указ Прэзідэнта Рэспублікі Беларусь ад 20 сакавіка 2008 года № 161 «Аб узнагароджанні медалём „За бездакорную службу“ I, II, III ступені»
8. Пастанова Савета Міністраў Рэспублікі Беларусь ад 28 кастрычніка 2015 года № 902 «Аб узнагароджанні В. М. Шынкевіча Ганаровай граматай Савета Міністраў Рэспублікі Беларусь» Архівавана 5 кастрычніка 2021.