Віктар Ніканавіч Вінаградаў

Віктар Ніканавіч Вінаградаў (3 лістапада 1933, в. Замасточча, Гарадоцкі раён) — беларускі матэматык. Кандыдат педагагічных навук (1968), прафесар (1977). Заслужаны работнік вышэйшай школы БССР (1976)^[1].

Віктар Ніканавіч Вінаградаў
Дата нараджэння	3 лістапада 1933(1933-11-03) (91 год)
Месца нараджэння	Блохі[d], Гарадоцкі раён, Беларуская ССР, СССР
Род дзейнасці	матэматык
Навуковая сфера	матэматыка
Месца працы	Віцебскі дзяржаўны ўніверсітэт імя П. М. Машэрава
Навуковая ступень	доктар педагагічных навук (1994)
Навуковае званне	прафесар[d] (1977)
Альма-матар	Віцебскае мастацка-графічнае педагагічнае вучылішча[d] (1953) Полацкі педагагічны інстытут
Узнагароды	Makarenko Medal[d]

У Вікіпедыі ёсць артыкулы пра іншых людзей з прозвішчам Вінаградаў.

Біяграфія

Скончыў Віцебскае мастацка-графічнае педвучылішча (1953) і Полацкі педагагічны інстытут (1957). З 1957 года ў Віцебскім педагагічным інстытуце: старшы выкладчык, загадчык кафедры, прарэктар, з 1978 па 1997 год рэктар інстытута^[1].

Навуковая дзейнасць

Навуковыя працы па методыцы выкладання начартальнай геаметрыі і чарчэння ў ВНУ і сярэдняй школе. Адзін з аўтараў і рэдактараў падручніка «Чарчэнне ў сярэдняй школе» (1969, неаднаразова перавыдаваўся, перакладзены на 20 моў), аўтар курса для педінстытутаў «Начартальная геаметрыя» (1997)^[1], адзін з аўтараў «Методыкі навучання чарчэнню» (1990), «Слоўніка-даведніка па чарчэнні» (1993), і іншых^[2].

Узнагароды

Узнагароджаны ордэнамі Кастрычніцкай Рэвалюцыі і «Знак Пашаны», медалямі^[2].

Зноскі

1. Виноградов Виктор Никонович // Биографический справочник. — Мн.: «Белорусская советская энциклопедия» имени Петруся Бровки, 1982. — Т. 5. — С. 114. — 737 с.
2. Вінаградаў Віктар Ніканавіч(недаступная спасылка)