Віскулі

У гэтага тапоніма ёсць і іншыя значэнні, гл. Віскулі (значэнні).

Віскулі — беларуская ўрадавая рэзідэнцыя каля былога хутара Віскулі Пружанскага раёна, у нацыянальным парку Белавежская пушча.

Населены пункт Віскулі Краіна Беларусь Вобласць Брэсцкая Раён Пружанскі Каардынаты 52°37′ пн. ш. 23°57′ у. д.HGЯO Вышыня цэнтра 190 м Часавы пояс UTC+3 Тэлефонны код +375 1632 Паштовы індэкс 225176 Аўтамабільны код 1 Віскулі на карце Беларусі ±

Віскулі на Вікісховішчы

З 7 снежня па 8 снежня 1991 г. у Віскулях адбылася сустрэча найвышэйшых кіраўнікоў Беларусі, Расійскай Федэрацыі і Украіны, якія ад імя сваіх дзяржаў — заснавальніц Саюза ССР канстатавалі, што Савецкі Саюз як суб’ект міжнароднага права і геапалітычная рэальнасць спыняе сваё існаванне, і падпісалі пагадненне аб утварэнні Садружнасці Незалежных Дзяржаў.

Назва

Назва «Віскулёў» паходзіць ад назвы аднайменнага хутара. Назва Віскулі, у сваю чаргу, ад балцкага (літоўскага або яцвяжскага) двухасноўнага імені тыпу Vis-kul’as. Гэтае імя складаецца з асноў Vis- i Kul-, што вядомыя ў балцкай антрапаніміі^[1]. У Літоўскай Метрыцы згадваецца імя «Вискулис»^[2].