Віталь Васілевіч Дударэнка

Віталь Васільевіч Дударэнка^[1] (нар. 2 студзеня 1965, Мінск) — беларускі мастак-ілюстратар

Віталь Васілевіч Дударэнка
Род дзейнасці	ілюстратар
Дата нараджэння	2 студзеня 1965(1965-01-02) (60 гадоў)
Месца нараджэння	Мінск, Беларуская ССР, СССР

Нарадзіўся ў горадзе Мінску 2 студзеня 1965 года. Вучыўся ў агульнаадукацыйнай школе № 2. Калі быў вучнем пачатковай школы — вырашыў стаць мастаком-ілюстратарам. Займаўся ў студыі выяўленчага мастацтва пры Доме культуры трактарнага завода. Свае першыя малюнкі рабіў да кніг па школьнай праграме, за што атрымліваў высокія адзнакі на ўроках малявання, і нават нейкія прызы на розных конкурсах дзіцячага малюнка. У 1981 годзе паступіў у Мінскае мастацкае вучылішча імя А. К. Глебава. У 1985—1987 гадах служыў у войсках СА пад Масквой. З 1989—1995 вучыўся на факультэце графікі Беларускай акадэміі мастацтваў. З 1996—2001 год вучыўся ў той жа навучальнай установе на факультэце «Мастацтвазнаўства».

Віталь Дударэнка ўпарта займаецца менавіта той справай, якая яму больш за ўсё падабаецца — кнігай. Актыўны ўдзельнік суполкі ілюстратараў стран СНД illustrators.ru^[2] Віталь Дударэнка кажа: «Я лічу, што кніга, гэта не толькі прыгожы малюнак пастаўлены на развароце, або на паласе старонкі — гэта куды больш складаны і суцэльны арганізм са сваёй структурай ад макета да шрыфта. За гэты час мною было створана ілюстрацый да каля 200 кніг. Праўда, трэба ўлічыць, што некаторыя кнігі былі аформленыя 3-5 ілюстрацыямі, а некаторыя 30-ю і больш».

Віталь Дударэнка удзельнік 8 Рэспубліканскіх выстаў кніжнай ілюстрацыі «Мастак і кніга», 5 Міжнародных выстаў — конкурсаў мастакоў-ілюстратараў кнігі ў розных краінах свету. Мае два дыплома з конкурсу «Мастак і кніга» (за афармленне кнігі). Узнагароджаны медалём Васіля Віткі за шэраг ілюстрацый да дзіцячага часопіса «Вясёлка». Супрацоўнічае з выдавецтвамі па ўсяму свету.^[3]

1. https://illustrators.ru/users/id1066
2. https://illustrators.ru
3. Архіўная копія (нявызн.)(недаступная спасылка). Архівавана з першакрыніцы 20 кастрычніка 2020. Праверана 17 студзеня 2021.