Віталь Пятровіч Шылаў

У Вікіпедыі ёсць артыкулы пра іншых людзей з прозвішчам Шылаў.

Віталь Пятровіч Шылаў (нар. 20 красавіка 1976, Гомель) — беларускі палітык.

Віталь Пятровіч Шылаў
Нараджэнне	20 красавіка 1976(1976-04-20) (49 гадоў) Гомель, Гомельская вобласць, Беларуская ССР, СССР
Адукацыя	Міжнародны ўніверсітэт МІПСА Гомельскі дзяржаўны ўніверсітэт імя Францыска Скарыны
Месца працы	Гомельскі ліцейны завод «Цэнтраліт»
Узнагароды	Ганаровая грамата Гомельскага гарвыканкама[d]

Біяграфія

Скончыў Міжнародны інстытут працоўных і сацыяльных адносін (эканаміст), Гомельскі дзяржаўны ўніверсітэт імя Ф.Скарыны (юрыст).

Служыў у органах унутраных спраў Міністэрства ўнутраных спраў Рэспублікі Беларусь. Працаваў вядучым эканамістам аддзела эканамічнай бяспекі, начальнікам аддзела эканамічнай бяспекі, начальнікам аддзела кадраў, намеснікам дырэктара па эканамічнай бяспецы, намеснікам дырэктара па ідэалагічнай рабоце і кіраванні персаналам адкрытага акцыянернага таварыства «Гомельскі завод ліцця і нармалей».

Выбіраўся дэпутатам Палаты прадстаўнікоў Нацыянальнага сходу Рэспублікі Беларусь 6-га склікання.

Узнагароды

Узнагароджаны юбілейным медалём «70 гадоў Перамогі ў Вялікай Айчыннай вайне 1941—1945 гг.», Ганаровай граматай Гомельскага гарадскога выканаўчага камітэта. Мае падзячныя пісьмы Прэзідэнта Рэспублікі Беларусь, падзякі ўпраўлення Следчага камітэта Рэспублікі Беларусь па Гомельскай вобласці, Гомельскай абласной арганізацыі Беларускага Таварыства Чырвонага Крыжа і адміністрацыі Чыгуначнага раёна г. Гомеля^[1].

Зноскі

1. Шылаў Віталій Пятровіч