Віцебская духоўная семінарыя

Віцебская духоўная семінарыя імя святых роўнаапостальных Кірыла і Мяфодзія — вышэйшая спецыяльная навучальная ўстанова Беларускай Праваслаўнай Царквы ў горадзе Віцебску.

Віцебская духоўная семінарыя імя святых роўнаапостальных Кірыла і Мяфодзія
Год заснавання	1806
Канфесія	Праваслаўе
Царква	Беларуская Праваслаўная Царква
Сайт	vitds.by

Гісторыя

У адпаведнасці з указам імператара Аляксандра I, падпісаным 16 снежня 1806 года, у горадзе Полацку прадпісвалася адкрыць «Беларускую духоўную семінарыю». З 1856 года семінарыя знаходзіцца ў горадзе Віцебску. 2 мая 1918 года ў Віцебскай духоўнай семінарыі адбыўся апошні выпуск, пасля чаго семінарыя была закрыта.

У 1996 годзе згодна рашэнню сінода Беларускай Праваслаўнай Царквы было адроджана Віцебскае духоўнае вучылішча, якое рыхтавала рэгентаў-псаломшчыкаў. У 1997 годзе пры вучылішчы адкрыта багаслоўска-педагагічнае аддзяленне.

У 2001 годзе пры Віцебскім духоўным вучылішчы было адкрыта багаслоўска-пастырскае аддзяленне, асноўнай мэтай якога стала падрыхтоўка будучых святароў.

У 2011 годзе рашэннем Свяшчэннага Сінода (журнал № 59 ад 30 мая) багаслоўска-пастырскае аддзяленне Віцебскага духоўнага вучылішча было пераўтворана ў духоўную семінарыю. Статут семінарыі зарэгістраваны Упаўнаважаным па справах рэлігій і нацыянальнасцяў Рэспублікі Беларусь (№ 185 ад 15 ліпеня 2011 года)^[1].

Рэктары

• Арсень (Івашчанка) (1871—1872)
• Канстанцін (Булычоў) (1896—1900)
• Дзімітрый (Драздоў) (с 30 мая 2011)

Зноскі

1. ВІЦЕБСКАЯ ДУХОЎНАЯ СЕМІНАРЫЯ