Вячаслаў Іосіфавіч Дашкевіч

Вячаслаў Іосіфавіч Дашкевіч (15 красавіка 1941, вёска Дзякшняны, Маладзечанскі раён, Мінская вобласць) — беларускі паэт.

Вячаслаў Іосіфавіч Дашкевіч
Асабістыя звесткі
Дата нараджэння	15 красавіка 1941(1941-04-15) (84 гады)
Месца нараджэння	Дзякшняны, Радашковіцкі сельсавет, Маладзечанскі раён, Вілейская вобласць, Беларуская ССР, СССР
Грамадзянства	Беларусь
Альма-матар	БДУ
Прафесійная дзейнасць
Род дзейнасці	журналіст, паэт
Мова твораў	беларуская
Грамадская дзейнасць
Член у	Саюз пісьменнікаў Беларусі

У Вікіпедыі ёсць артыкулы пра іншых людзей з прозвішчам Дашкевіч.

Біяграфія

Нарадзіўся ў сялянскай сям'і. Пасля заканчэння сярэдняй школы (1958) і Ашмянскага вучылішча механізацыі сельскай гаспадаркі (1959) два гады працаваў трактарыстам у саўгасе імя Янкі Купалы Маладзечанскага раёна. У 1959 г. паступіў на завочнае аддзяленне журналістыкі Беларускага дзяржаўнага ўніверсітэта, на другім курсе перавёўся на стацыянар (скончыў у 1965). Працаваў карэспандэнтам Беларускага радыё (1964—1967), газеты «Физкультурник Белоруссии» (1967—1971), загадчыкам аддзела часопіса «Родная прырода» (1971—1976), старшым рэдактарам Саюза журналістаў БССР (1977—1980), старшым рэдактарам і загадчыкам аддзела на Беларускім тэлебачанні (1980—1986). З 1989 г. — навуковы супрацоўнік аддзела міжнацыянальных і міжнародных зносін Інстытута філасофіі і права АН Беларусі.

У друку выступае з 1963 г., з вершамі — з 1974 г. Першая кніга вершаў «Хвіліна чакання» ўвайшла ў калектыўны зборнік «Нашчадкі» (1979). У 1983 г. выйшаў зборнік паэзіі «Загадка Атлантыды».

Пераклаў з эстонскай мовы «Няўлоўны цуд» Э.Вільдэ (тэлеп'еса, 1985) і асобныя вершы эстонскіх паэтаў.

Зноскі