Віктар Антонавіч Войцік

Віктар Антонавіч Войцік (3 верасня 1947, Гродна —) — беларускі кампазітар ^[1]. Заслужаны дзеяч мастацтваў Беларусі, лаўрэат прэміi Федэрацыі прафсаюзаў Беларусі (1995).

Віктар Антонавіч Войцік
Дата нараджэння	3 верасня 1947(1947-09-03) (77 гадоў)
Месца нараджэння	Гродна, Гродзенская вобласць, Беларуская ССР, СССР
Краіна	Беларусь
Альма-матар	Беларуская дзяржаўная кансерваторыя імя А. В. Луначарскага (1972)
Месца працы	Сярэдняя спецыяльная музычная школа пры Беларускай дзяржаўнай кансерваторыі імя А. В. Луначарскага Нацыянальны акадэмічны драматычны тэатр імя Максіма Горкага Беларуская дзяржаўная акадэмія музыкі
Музычная дзейнасць
Педагог	Анатоль Васільевіч Багатыроў
Прафесіі	кампазітар
Грамадская дзейнасць
Член у	Беларускі саюз кампазітараў
Прэміі	Прэмія Федэрацыі прафсаюзаў Беларусі
Узнагароды	Прэмія Федэрацыі прафсаюзаў Беларусі

У Вікіпедыі ёсць артыкулы пра іншых людзей з прозвішчам Войцік.

Біяграфія

Скончыў Беларускую кансерваторыю (1972, клас А. Багатырова). У 1975-76 выкладчык Мінскай спецыяльнай музычнай школы-адзінаццацігодкі, адказны сакратар, з 1976 намеснік старшыні Саюза кампазітараў БССР^[1]. У 1981–1988 гг. загадчык музычнай часткі Дзяржаўнага рускага драматычнага тэатра БССР імя М. Горкага. З 1980 г. выкладае ў Беларускай дзяржаўнай акадэміі музыкі.

Творчасць

Асноўныя творчыя дасягненні ў кантатна-аратарыяльным, сімфанічным, камерна-інструментальным жанрах. Сярод твораў: араторыі «Памяць Хатыні» (1973) і «Дзень Радзімы» (1977), кантаты «Як камар хадзіў сватацца» (1972) і «Казацкія песні» (1974), 2 сімфоніі (1972, «Каложа»; 1974), сюіта «Забавы» для сімфанічнага аркестра (1974), 2 сюіты і канцэрт (1974) для камернага аркестра; саната і «Арыета» для віяланчэлі і фартэпіяна; саната для 2 цымбалаў^[1].

Зноскі

1. Войтик Виктор Антонович // Биографический справочник. — Мн.: «Белорусская советская энциклопедия» имени Петруся Бровки, 1982. — Т. 5. — С. 120. — 737 с.