Гагач чырвонаваллёвы

Гагач чырвонаваллёвы, гагара чырвонаваллёвая (Gavia stellata) — птушка сямейства гагаравых.

Гагач чырвонаваллёвы
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Другаснаротыя Тып:  Хордавыя Падтып:  Пазваночныя Інфратып:  Сківічнаротыя Надклас:  Чацвераногія Клас:  Птушкі Падклас:  Нованёбныя Атрад:  Гагарападобныя Сямейства:  Гагаравыя Род:  Гагары Від:  Гагач чырвонаваллёвы
Міжнародная навуковая назва
Gavia stellata Pontoppidan, 1763
Арэал
Сістэматыка на Віківідах Выявы на Вікісховішчы ITIS   174474 NCBI   37040 EOL   45508995 FW   368750

Апісанне

Даўжыня цела 53-68 см, размах крылаў 100-116 см. У гнездавым апярэнні шыя спераду мае ржавы колер. У зімовым апярэнні падобны на чорнаваллёвага гагача, адрозніваецца па злёгку ўзнятай уверх дзюбе, а таксама дробнымі белаватымі плямкамі на спіне (увесь больш светлы, асабліва на галаве, адсутнічае рэзкая мяжа паміж верхам і бакамі).

Пашырэнне

Арэал цыркумпалярны (вакол Паўночнага полюса). Насяляе невялікія вадаёмы ў тундры або лесатундры з зарослымі берагамі, менш звязаны з марскім узбярэжжам.

Пралётны від. Месца зімовак: еўрапейскае ўзбярэжжа Атлантыкі, Паўночнае мора, Балтыка, Чорнае мора, узбярэжжа Усходняй Азіі, заходняе і ўсходняе ўзбярэжжа Паўночнай Амерыкі. На Беларусі зрэдку і ў невялікай колькасці адзначаецца ў час міграцый.

Падвіды

• G. s. stellata — Еўропа, Ісландыя;
• G. s. squamata — Шпіцберген, Зямля Франца-Іосіфа, Мядзведжыя астравы.

Асаблівасці біялогіі

Гняздо — ямка без высцілкі або з высцілкай з водных раслін, звычайна ў купіне травяністых раслін, не далей чым 0,5 м ад вады.

Яйкі Gavia stellata

Яйкі (2) падоўжаныя, бура-аліўкавыя або зялёна-аліўкавыя з бура-чорнымі плямамі.

Літаратура

• Птушкі Еўропы: Палявы вызначальнік. — Варшава: Навуковае выдавецтва ПНВ, 2000. — 540 с.: іл. — ISBN 83-01-13187-X