Галоўчынскія

Галоўчынскія, Галаўчынскія — княжацкі род герба «Лебедзь», прадстаўнікі якога займалі дзяржаўныя пасады ў Вялікім Княстве Літоўскім^[2].

Галоўчынскія
Роданачальнік	Мацвей Мікітавіч Галоўчынскі[1]
Медыяфайлы на Вікісховішчы

Соф’я Галоўчынская, каля 1602

Родапачынальнікам звычайна лічаць Мікіту, сын якога Мацей у 1495 годзе прыехаў у ВКЛ з Масквы^[2] разам з дваром Алены, дачкі вялікага князя маскоўскага Івана III Васільевіча, жонкі вялікага князя літоўскага Аляксандра. Паводле Каспера Нясецкага паходзілі ад северскай галіны Рурыкавічаў^[3]. Самі Галоўчынскія часам выводзілі сябе ад князеў Рапалоўскіх^[4], аднак сярод іх імя Мікіты не сустракаецца^[2] і генеалагічная сувязь з гэтымі князямі не прасочваецца^[3]. Зваліся таксама Галоўчынскімі-Мшцішчамі^[2].

Прозвішча паходзіць ад мястэчка Галоўчын каля Друцка.

Пры падтрымцы вялікай княгіні літоўскай Алены Іванаўны князі Галоўчынскія адразу ўвайшлі ў лік найбольш заможных феадалаў Вялікага Княства Літоўскага. Спачатку вызнавалі праваслаўе, пазней перайшлі ў каталіцтва.

Род згас у 1658 годзе са смерцю Мікалая Канстанцінавіча Галоўчынскага^[2].

Вядомыя прадстаўнікі

• Мацей Мікітавіч (каля 1470 — пасля 1536), сын Мікіты. Намеснік княжацкі і цяцерынскі, бірштонскі, магілёўскі і онікшцінскі.
• Яраслаў Мацеевіч (каля 1510—1567), сын Мацея Мікітавіча. Маршалак каралеўскі, староста ковенскі.
• Мікалай Яраславіч (1547—1571)
• Шчасны Яраславіч (? — 1610), кашталян менскі.
• Яраслаў Яраславіч (? — 1622).
• Ян (каля 1570—1630), чашнік літоўскі.
• Аляксандр Яраславіч (каля 1570—1617), кашталян жмудскі, староста лідскі, ваявода мсціслаўскі.
• Канстанцін Яраславіч (? — 1620), кашталян мсціслаўскі і староста крычаўскі.
• Мікалай Канстанцінавіч (? — 1658), харунжы аршанскі, апошні прадстаўнік роду.
• Ежы (Юрый) Канстанцінавіч (? — 1648/1649).

Зноскі

1. Kniaziowie litewsko-ruscy od końca czternastego wieku / пад рэд. J. Wolff — Warszawa: 1895. — С. 116.

   <a href='https://wikidata.org/wiki/Track:Q125352562'></a>
2. Галоўчынскія // Энцыклапедыя гісторыі Беларусі. У 6 т. Т. 2: Беліцк — Гімн / Рэдкал.: Б. І. Сачанка (гал. рэд.) і інш.; Маст. Э. Э. Жакевіч. — Мн. : БелЭн, 1994. — 537 с. — 20 000 экз. — ISBN 5-85700-142-0.
3. ЭнцВКЛ 2005.
4. Wolff J. Kniaziowie litewsko-ruscy od końca XIV w. — Warszawa, 1895.