Ганна Леанідаўна Харашкевіч

Ганна Леанідаўна Харашкевіч (руск.: Анна Леонидовна Хорошкевич; 28 сакавіка 1931 — 1 мая 2017) — расійскі гісторык, доктар гістарычных навук.

Ганна Леанідаўна Харашкевіч
руск.: Анна Леонидовна Хорошкевич
Дата нараджэння	28 сакавіка 1931(1931-03-28)
Месца нараджэння	Масква, Маскоўская вобласць, РСФСР, СССР
Дата смерці	1 мая 2017(2017-05-01) (86 гадоў)
Месца смерці	Масква, Расія
Месца пахавання	Новадзявочыя могілкі
Грамадзянства	СССР  Расія
Род дзейнасці	гісторык
Навуковая сфера	гісторыя і медыявістыка[1]
Месца працы	Інстытут славяназнаўства РАН
Навуковая ступень	доктар гістарычных навук (1974)
Альма-матар	гістарычны факультэт МДУ[d] (1954)
Член у	Балтыйская гістарычная камісія[d]
Прэміі	Макарыеўская прэмія[d]

Навуковая дзейнасць

Працавала ў Інстытуце славяназнаўства РАН. Асноўныя сферы навуковых інтарэсаў — гісторыя міжнародных адносінаў у рэгіёне Усходняй Еўропы 14—17 ст., крыніцазнаўства і археаграфія, Метрыка ВКЛ. Разам з С. Каштанавым падрыхтавала «Методические рекомендации по изданию и описанию Литовской Метрики» (Вільнюс, 1985). Апублікавала «Полоцкие грамоты XIII — начала XVI вв.» (Вып. I—VI. Масква, 1977—1989). Сярод найважнейшых публікацый кнігі: «Русское государство в системе международных отношений конца XV — начала XVI в.», «Русское государство в системе международных отношений середины XVI в.» (Масква, 1980, 2003), «Русь и Крым: От союза к противостоянию. Конец XV — начало XVI вв.» (Масква, 2001). Удзельнічала ў падрыхтоўцы да выдання твораў Сігізмунда Герберштэйна (Масква, 1988) і Міхалона Літвіна (Масква, 1994).