Ганна Фёдараўна Заслаўская

Ганна Заслаўская (? — 1571/1572) — вялікалітоўская арыстакратка.

Ганна Фёдараўна Заслаўская
Нараджэнне	не пазней за 1533
Смерць	не раней за 1570 і не пазней за 1572
Род	Заслаўскія Мсціслаўскія[1]
Бацька	Фёдар Іванавіч Заслаўскі[d][2]
Маці	Соф’я Андрэеўна Сангушка[d]
Муж	Ян Юр’евіч Глябовіч[3][4] і Геранім Сяняўскі[d][3][5]
Дзеці	Ян Янавіч Глябовіч[6], Дарота з Глябовічаў[d][6], Гальшка з Глябовічаў[d][6] і Барбара з Глябовічаў[d][6]

Біяграфія

З княжацкага роду Заслаўскіх  (укр.), галіны Гедымінавічаў. Адзінае дзіцё князя Фёдара Заслаўскага  (укр.), старосты браслаўскага і аршанскага, і Соф’і з Сангушак. У 1537 (паводле іншых звестак, у 1544—1546) выйшла замуж віленскага ваяводу Яна Глябовіча, якому ў пасаг прынесла частку отчыннага Заслаўскага княства з горадам Заслаўем. У шлюбе нарадзіла 4 дзяцей.

У 1549 годзе пасля смерці мужа пераехала ў Заслаўе, дзе займалася адукацыяй і выхаваннем дзяцей. У 1555 годзе апякунства над сынам перайшло да вялікага гетмана літоўскага Мікалая Радзівіла Рудога. У 1560 годзе яна атрымала сінекуру для свайго сына Яна пры двары Фердынанда I, імператара Свяшчэннай Рымскай імперыі.

У 1565 годзе выйшла замуж за рускага ваяводу Гераніма Сяняўскага  (укр.). Памерла ў 1571 ці 1572 годзе.

Сям’я

У першым шлюбе з Янам Юр’евічам Глябовічам, ваяводам віленскім, мела сына і трох дачок.

• Ян (каля 1544—1590), ваявода троцкі
• Ганна Альжбета (?— пасля 1590), жонка 1) старосты аршанскага Андрэя Адзінцэвіча; 2) староста слонімскі Міхаіл Геранім Валовіч; 3) Станіслаў Нарбут, ваявода мсціслаўскі
• Барбара, жонка Зыгмунта Вольскага, кашталяна чэрскага
• Дарота, жонка Мікалая Рэя, сына польскага пісьменніка Мікалая Рэя.

У другім шлюбе з Геранімам Сяняўскім  (укр.), ваяводам рускім, дзяцей не было.

Зноскі

1. Kniaziowie litewsko-ruscy od końca czternastego wieku / пад рэд. J. Wolff — Warszawa: 1895. — С. 591–594.

   <a href='https://wikidata.org/wiki/Track:Q125352562'></a>
2. Kniaziowie litewsko-ruscy od końca czternastego wieku / пад рэд. J. Wolff — Warszawa: 1895. — С. 591.

   <a href='https://wikidata.org/wiki/Track:Q125352562'></a>
3. Urzędnicy Wielkiego Księstwa Litewskiego. Spisy, t. V, Ziemia połocka i województwo połockie XIV‒XVIII wiek / пад рэд. Г. Люлевіч — Warszawa: 2018. — С. 237. — ISBN 978-83-65880-49-9

   <a href='https://wikidata.org/wiki/Track:Q120756022'></a><a href='https://wikidata.org/wiki/Track:Q22114975'></a>
4. Kniaziowie litewsko-ruscy od końca czternastego wieku / пад рэд. J. Wolff — Warszawa: 1895. — С. 591–592.

   <a href='https://wikidata.org/wiki/Track:Q125352562'></a>
5. Kniaziowie litewsko-ruscy od końca czternastego wieku / пад рэд. J. Wolff — Warszawa: 1895. — С. 593.

   <a href='https://wikidata.org/wiki/Track:Q125352562'></a>
6. Kniaziowie litewsko-ruscy od końca czternastego wieku / пад рэд. J. Wolff — Warszawa: 1895. — С. 593–594.

   <a href='https://wikidata.org/wiki/Track:Q125352562'></a>