Ганна Шакель

Ганна Шакель (1998, Маладзечна) — беларуская паэтка і перакладчыца.

Ганна Шакель
Асабістыя звесткі
Дата нараджэння	1998
Месца нараджэння	Маладзечна, Маладзечанскі раён, Мінская вобласць, Беларусь
Грамадзянства	Беларусь
Альма-матар	Беларускі дзяржаўны ўніверсітэт замежных моў Беларускі Калегіюм
Прафесійная дзейнасць
Род дзейнасці	паэт, перакладчык
Мова твораў	беларуская
Прэміі	прэмія імя Наталлі Арсенневай

Біяграфія

Нарадзілася ў 1998 годзе ў Маладзечне. Атрымала адукацыю ў МДЛУ. Навучалася ў Беларускім Калегіюме і Школе маладога літаратара «W/Rights».

Публікавалася ў выданнях «Маладосць» і «Дзеяслоў». У 2022 годзе творы Ганны Шакель увайшлі ў «Анталогію паэтак. Выбранае Вальжынай Морт». У дэбютнай кнізе «Цела мігдалу» (2023) паэтка даследуе чалавечую душу і яе шлях праз род, карані і памяць, гаворыць пра мінулае, якое не дае спакою; творы ў кнізе ствараюць наратыў, у цэнтры якога — рэфлексія над сабой і светам.

У яе вершах спалучаюцца біблейскія вобразы і фальклорныя матывы. Акцэнт робіцца на фанетыку і ідыяматыку^[1].

Асобныя творы перакладзеныя на англійскую, нямецкую, украінскую, нарвежскую мовы.

Узнагароды

Пераможца прэміі імя Наталлі Арсенневай за 2023 год^[2].