Гарлачык чыста-белы

Гарлачык чыста-белыя^[1][2][3] (Nymphaéa candida) — водная расліна, від роду Гарлачык сямейства Гарлачыкавыя (Nymphaeaceae).

Гарлачык чыста-белы
Навуковая класіфікацыя
Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Гарлачыкакветныя Сямейства:  Гарлачыкавыя Род:  Гарлачык Від:  Гарлачык чыста-белы
Міжнародная навуковая назва
Nymphaea candida J.Presl et C.Presl
Сістэматыка на Віківідах Пошук выяў на Вікісховішчы NCBI   307975 EOL   2873217 IPNI   605520-1 TPL   kew-2384823

Батанічнае апісанне

Шматгадовая водная бессцябловая расліна з доўгім, гарызантальным карэнішчам. Лісце плаваючае, круглавата-авальнае, дыяметрам да 25-30 см, зверху цёмна-зялёнае, знізу чырванавата-фіялетавае, лопасці каля яго асновы амаль раўнабокія, вострыя.

Кветкі буйныя, адзіночныя, белыя, да 11-15 см у дыяметры, маюць слабы водар. Адрозніваецца ад гарлачыка белага больш светлымі кветкамі. Пялёсткі паступова пераходзяць у тычынкі, з якіх вонкавыя з лісцепадобнымі ніцямі, унутраныя з ланцэтнымі. Моцна ўціснуты ярка-аранжавы песцік, з амаль чатырохвугольнай асновай чашачкі. Плод шматнасенны, ягдападобны, зялёны, выспявае пад вадой.

Пашырэнне

Расце ў азёрах, рэках з павольнай плынню на глыбіні да 2 м. Сустакаецца ў Казахстане, Сярэдняй Азіі, у Расіі — у еўрапейскай частцы, Заходняй і Усходняй Сібіры. Цвіце ў маі-жніўні.

Гаспадарчае значэнне і прымяненне

Карэнішчы і насенне ядомыя^[4]. У народнай медыцыне адвар гарлачыка чыста-белага ўжываецца як сродак ад акне і вяснушак, свежыя карэнішчы выкарыстоўваюцца для барацьбы з тараканамі^[4].

Добры корм для андатры.

Зноскі

1. Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 88. — 160 с. — 2 350 экз.
2. Паводле кнігі «Флора СССР». Гл. раздзел Літаратура.
3. Паводле кнігі «Иллюстрированный определитель растений Средней России». Гл. раздзел Літаратура.
4. Губанов И. А. и др. Дикорастущие полезные растения СССР / отв. ред. Т. А. Работнов. — М.: Мысль, 1976. — С. 122. — 360 с. — (Справочники-определители географа и путешественника).