Гародзькаўскі сельсавет

Гаро́дзькаўскі сельсавет — адміністрацыйна-тэрытарыяльная адзінка ў складзе Валожынскага раёна Мінскай вобласці. Цэнтр — аграгарадок (да 2010 г. вёска) Гародзькі.

Гародзькаўскі сельсавет
Краіна	Беларусь
Уваходзіць у	Валожынскі раён
Уключае	37 населеных пунктаў
Адміністрацыйны цэнтр	Гародзькі
Дата ўтварэння	12 кастрычніка 1940
Старшыня сельсавета	Садоўская Ганна Францаўна
Насельніцтва (2019)	1 626
Часавы пояс	UTC+03:00
Код аўтам. нумароў	5

Утвораны 12 кастрычніка 1940 года ў складзе Валожынскага раёна Баранавіцкай вобласці БССР. З 20 верасня 1944 года ў складзе Маладзечанскай вобласці. 16 ліпеня 1954 года да сельсавета далучана тэрыторыя скасаванага Лоскаўскага сельсавета^[1]. З 20 студзеня 1960 года ў складзе Мінскай вобласці. З 25 снежня 1962 года па 6 студзеня 1965 года ў складзе Маладзечанскага раёна. 30 кастрычніка 2009 года да сельсавета далучана тэрыторыя скасаванага Забрэзскага сельсавета (19 населеных пунктаў: Алешчаняты, Барташы, Дзямідавічы, Долевічы, Жомайдзь, Забрэззе, Кабыльчыцы, Калдыкі, Куцяняты, Малая Дайноўка, Пагарэльшчына, Післякоўшчына, Роўкавічы, Славенск, Строкава Рэчка, Студзянец, Філіпіняты, Харытоны, Цвіраўшчына)^[2].

Насельніцтва сельсавета паводле перапісу 2009 года (18 населеных пунктаў) — 1262 чалавекі^[3], з іх 98,3 % — беларусы, 1,3 % — рускія^[4]; паводле перапісу 2019 года (37 населеных пунктаў) — 1626 чалавек^[5].