Гасподняя армія супраціўлення

Гасподняя армія супраціўлення, ГАС (англ.: Lord’s Resistance Army, LRA) — угандыйская нацыяналістычная паўстанцкая групоўка. Рэкрутуе сваіх салдат з прадстаўнікоў народнасці ачолі. Таксама разглядаецца як дэструктыўная секта^[1].

Гасподняя армія супраціўлення
Ідэалогія	хрысціянскі нацыяналізм
Этнічная прыналежнасць	ачолі
Лідары	Джозеф Коні
Актыўная ў	Уганда
Сфарміравана	1987
Праціўнікі	Уганда  ДР Конга  Паўднёвы Судан  ЦАР
Удзел у канфліктах	Паўстанне Гасподняй арміі супраціўлення

Гісторыя

Рух заснаваны ў 1987 годзе Джозефам Коні, які абвясціў сябе прарокам, голасам Святога Духа і маральным пераемнікам Эліс Лаквены^[2].

Спярша групоўка насіла назву «Угандыйская народна-дэмакратычная хрысціянская армія», затым — «Угандыйская хрысціянска-дэмакратычная армія». З пачатку 1990-х рух носіць сваю сучасную назву.

Базы і апорныя пункты баевікі размясцілі ў Паўднёвым Судане і на сумежных з Угандай тэрыторыях ДР Конга^[3].

14 снежня 2008 года ўзброеныя сілы Дэмакратычнай Рэспублікі Конга і Уганды пачалі сумесную ваенную аперацыю супраць ГАС^[4].

У 2011 года ЗША накіравалі войскі для дапамогі краінам у барацьбе з паўстанцамі^[5][6].

Ідэалогія і палітыка

З самага пачатку існавання групоўка змагалася супраць урада Ёверы Мусевені за ўсталяванне ва Угандзе тэакратычнага рэжыму, заснаванага на 10 біблейскіх запаведзях.

У ідэалогіі арганізацыі элементы хрысціянскага вучэння спалучаюцца з традыцыйнымі афрыканскімі вераваннямі.

Паводле саміх баевікоў, яны маюць наступныя мэты^[7]:

1. Зрынуць дыктатуру і спыніць прыгнёт народа
2. Аднавіць у краіне шматпартыйную дэмакратыю
3. Пакласці канец зневажанню чалавечых правоў і прыніжэнню чалавечай годнасці жыхароў Уганды
4. Забяспечыць мір і бяспеку ў краіне
5. Забяспечыць адзінства, суверэннасць і эканамічны росквіт дзяржавы
6. Не дапусціць дыскрымінацыі людзей, незадаволеных парадкамі, усталяванымі ва Угандзе АГС