Джозеф Коні

У Вікіпедыі ёсць артыкулы пра іншых людзей з прозвішчам Коні.

Джо́зеф Ко́ні (англ.: Joseph Kony; нар. 1961^[3]) — медыум, правадыр Гасподняй арміі супраціўлення.

Джозеф Коні
англ.: Joseph Rao Kony
Імя пры нараджэнні	англ.: Joseph Rao Kony[1][2]
Род дзейнасці	тэрарыст, warlord, палітык, ваенны
Дата нараджэння	1961
Месца нараджэння	Gulu City[d], Gulu District[d], Паўночная вобласць[d], Уганда
Грамадзянства	Уганда
Бітвы/войны	Паўстанне Гасподняй арміі супраціўлення
Медыяфайлы на Вікісховішчы

Біяграфія

Нарадзіўся ў невялікай вёсцы на поўначы Уганды ў сям’і школьнага настаўніка і ксяндза Луіса Абаля (Luizi Obol) і мясцовай жыхаркі Норы Анек Ацін (Norah Anek Oting)^[4][5]. Быў малодшым дзіцем у шматдзетнай сям’і, акрамя яго былі яшчэ шэсць братоў і сёстры^[5]. Належыць да народнасці ачолі, якая складае 5 % ад агульнага насельніцтва Уганды^[5].

Некаторы час прыслужваў у бацькавай царкве^[5]. Пасля таго як кінуў школу, разам са старэйшым братам Джэймі Броў (Jamie Brow) быў вучнем вясковага лекара^[5].

Стаў паплечнікам сваёй стрыечнай сястры — знахаркі Эліс Лаквены, але пасля яе разгрому абвясціў сябе ўвасабленнем Святога Духа і духоўным медыумам, працягнуўшы справу сваячкі. Мясцовая народная пагалоска прыпісвае яму здольнасць спыняць кулі. Вакол Коні была ўтворана групоўка «Гасподняя армія супраціўлення», прыхільнікі якой разгарнулі ўзброеную барацьбу супраць урада^[6][7].

Сваёй мэтай Коні абвясціў стварыць ва Угандзе тэакратычную дзяржаву, заснаваную на Бібліі і Дзесяці запаведзях^[8][9][10].

Крымінальны пераслед

Коні абвінавачваецца ў сістэматычных выкраданнях непаўналетніх на заказ для сваёй арміі і дзіцячай прастытуцыі^[11]. Міжнародны крымінальны суд у 2005 годзе прызнаў медыума вінаватым у ваенных злачынствах і злачынствах супраць чалавецтва, выдаўшы ордэр на арышт^[12].

Фільм «Kony 2012»

У пачатку сакавіка 2012 года кампанія Invisible Children Inc выпусціла 30-хвілінны фільм «Kony 2012», прысвечаны Джозефу Коні^[13][14]. Фільм падвергнуўся крытыцы за недакладнае асвятленне фактаў^[15].