Генадзь Аляксеевіч Трубіла

Генадзь Аляксеевіч Трубіла (Трубіло^[1][2]) (нар. 1971, Слонім, Гродзенская вобласць) — беларускі дзяржаўны функцыянер, Міністр жыллёва-камунальнай гаспадаркі Рэспублікі Беларусь (з 2023).

Генадзь Аляксеевіч Трубіла
міністр жыллёва-камунальнай гаспадаркі Рэспублікі Беларусь[d] з 28 ліпеня 2023
Папярэднік	Андрэй Валер’евіч Хмель
Нараджэнне	1971 Слонім, Слонімскі раён, Гродзенская вобласць, Беларуская ССР, СССР
Адукацыя	БНТУ Акадэмія кіравання пры Прэзідэнце Рэспублікі Беларусь
Узнагароды	ганаровая грамата Нацыянальнага сходу Рэспублікі Беларусь (2012)

Біяграфія

Нарадзіўся ў 1971 годзе ў Слоніме. Скончыў Беларускую дзяржаўную політэхнічную акадэмію і Акадэмію кіравання пры Прэзідэнце Рэспублікі Беларусь.

Пачынаў працоўную дзейнасць у 1993 годзе механікам камерцыйнай вытворчай фірмы. Потым працаваў майстрам, галоўным інжынерам розных ЖЭС Заводскага раёна Мінска, а з 1998 года кіраваў ЖЭС № 28 Заводскага раёна. У 2002 годзе быў прызначаны намеснікам дырэктара па добраўпарадкаванні і санітарным стане жылога фонду ЖРЭА Заводскага раёна г. Мінска. З 2009 па 2012 год з’яўляўся дырэктарам ЖРЭА № 2 Фрунзенскага раёна Мінска.

З 2012 года працуе ў Міністэрстве жыллёва-камунальнай гаспадаркі Рэспублікі Беларусь. Працаваў намеснікам міністра, з 26 чэрвеня 2018 года — першым намеснікам Міністра жыллёва-камунальнай гаспадаркі Рэспублікі Беларусь^[1].

28 ліпеня 2023 года прызначаны Міністрам жыллёва-камунальнай гаспадаркі Рэспублікі Беларусь^[3].

Узнагароды

• Ганаровая грамата Нацыянальнага сходу Рэспублікі Беларусь (2012)^[2].

Зноскі

1. Пастанова Савета Міністраў Рэспублікі Беларусь ад 26 чэрвеня 2018 года № 492 «Аб назначэнні некаторых службовых асоб»
2. Пастанова Прэзідыума Савета Рэспублікі Нацыянальнага сходу Рэспублікі Беларусь ад 28 красавіка 2012 года № 920-ПСР4 «Аб узнагароджанні Л. І. Значонак і Г. А. Трубіло Ганаровай граматай Нацыянальнага сходу Рэспублікі Беларусь»
3. Указ Президента Республики Беларусь от 28 июля 2023 года № 230 «О Г. А. Трубило»