Генрых Плоцке

Генрых Плоцке (ням.: Heinrich Plotzke, або ням.: Heinrich von Plotzke; ? — 27 ліпеня 1320, Меднікі, Літва) — рыцар Тэўтонскага ордэна, ландмайстар Тэўтонскага ордэна ў Прусіі з 1307 па 1309^[3] гадах, вялікі комтур ордэна з верасня 1309 па 3 жніўня 1312 года, маршал ордэна ў 1312—1320^[4] гадах.

Генрых Плоцке
Нараджэнне	каля 1264 Plötzkau[d], Saale-Wipper[d], Salzlandkreis[d], Саксонія-Ангальт, Германія
Смерць	27 ліпеня 1320[1][2] Варні, Жамойцкае староства, Вялікае Княства Літоўскае[1][2]

Па прыбыцці ў 1309 годзе ў Прусію вялікага магістра Зігфрыда фон Фейхтвангена неабходнасць у дублюючай пасадзе ландмайстра Прусіі адпала і была скасавана. Генрых Плоцке стаў вялікім комтурам ордэна, што па сутнасці падымала яго ранейшы статус, бо ён стаў у сутнасці намеснікам вялікага магістра ва ўсіх справах.

Бітва пад Меднікамі

Камандаваў войскам ордэна ў бітве пад Меднікамі, якая адбылася 27 ліпеня 1320 года. Войска ордэна складалася з 40 рыцараў, гарнізона замка Мемель і заваяваных прусаў. Войска напала на Медніцкія землі і частка крыжакоў адправілася рабаваць наваколлі. Тым часам жамойты нечакана нанеслі ўдар па галоўных сілах ворага. Загінуў маршал, 29 рыцараў, шмат прусаў. Ордэн не нападаў на Медніцкія землі аж да заключэння перамір’яў з Гедзімінам у 1324—1328.

Зноскі

1. Mažosios Lietuvos enciklopedija — 2000.

   <a href='https://wikidata.org/wiki/Track:Q12664914'></a>
2. Visuotinė lietuvių enciklopedija

   <a href='https://wikidata.org/wiki/Track:Q76499581'></a>
3. Спіс прускіх ландмайстраў Тэўтонскага ордэна ў Прусіі — Інтэрнэт-праект: Гісторыя Ордэны Храма (праверана 8 жніўня 2008)
4. Спіс маршалаў Тэўтонскага ордэна (да 1450 г.) — Інтэрнэт-праект: Гісторыя Ордэны Храма (праверана 8 жніўня 2008)