Георгій Канстанцінавіч Кескевіч

Георгій Канстанцінавіч Кескевіч (20 верасня 1951, г.п. Каменец, Брэсцкая вобласць) — беларускі архітэктар.

Георгій Канстанцінавіч Кескевіч
Дата нараджэння	20 верасня 1951(1951-09-20) (73 гады)
Месца нараджэння	Каменец, Камянецкі раён, Брэсцкая вобласць, Беларуская ССР, СССР
Альма-матар	Брэсцкі інжынерна-будаўнічы інстытут (1974)
Месца працы	Наваполацкі філіял Віцебскграмадзянпраекта
Партыя	КПСС
Член у	Саюз архітэктараў СССР Беларускі саюз архітэктараў

У Вікіпедыі ёсць артыкулы пра іншых людзей з прозвішчам Кескевіч.

Біяграфія

Скончыў у 1974 годзе Брэсцкі інжынерна-будаўнічы інстытут. Працаваў раённым архітэктарам Круглянскага раёна Магілёўскай вобласці, з 1975 года — архітэктар, кіраўнік групы архітэктараў, галоўны архітэктар Полацкага аддзела Віцебскграмадзянпраекта.

Член Саюза архітэктараў СССР з 1980 года. Член КПСС з 1982 года. Пражывае ў г. Віцебск.

Творчасць

Вытворча-лабараторны корпус па вул. Газеты «Праўда»

Асноўныя працы: прыбудова да будынка РІВЦ (1986) і інтэрнат (1987) па вул. Савецкай у Верхнядзвінску, універсам, два 143-кватэрныя дамы для маласямейных з дзіцячай малочнай кухняй у мікрараёне Задзвінне ў Полацку (1987); у аўтарскім калектыве: каапераваны будынак^[d] вытворча-лабараторнага корпуса «Белдзіпразем» і абласнога цэнтра па налічэнні і выплаце пенсій па вул. Праўды (1979), прыбудова да будынка аддзялення перавозкі пошты па чыгунцы (1986) у Віцебску.

Зноскі