Георгій Мінавіч Сямёнаў

У Вікіпедыі ёсць артыкулы пра іншых людзей з прозвішчам Сямёнаў.

Георгій Мінавіч Сямёнаў^[2][3] (1908 — 7 мая 1942) — адзін з арганізатараў і кіраўнікоў Мінскага патрыятычнага падполля ў Вялікую Айчынную вайну

Георгій Мінавіч Сямёнаў
Дата нараджэння	1908[1]
Месца нараджэння	Мінск, Мінскі павет, Мінская губерня, Расійская імперыя[1]
Дата смерці	7 мая 1942(1942-05-07)[1]
Месца смерці	Мінск, Генеральная акруга Беларусь, Рэйхскамісарыят Остланд
Грамадзянства	Расійская імперыя  СССР
Бітвы/войны	Вялікая Айчынная вайна
Узнагароды і званні

Біяграфія

Нарадзіўся ў Мінску. Працаваў у Слуцкім гарадскім савеце. У пачатку Вялікай Айчыннай вайны на фронце, трапіў у акружэнне, пасля вярнуўся у Мінск. У жніўні 1941 года прымаў удзел стварэнні падпольнай групы з былых работнікаў канторы «Белнафтазбыт». У лістападзе—снежні на кватэры Г. Сямёнава адбылася нарада падпольных арганізацый Мінска і былі створаны падпольныя групы КП(б)Б. Г. М. Сямёнаў стаў членам і загадчыкам ваеннага аддзела Мінскага гарадскога падпольнага камітэта. Стварыў падпольную камсамольскую арганізацыю вуліц Розы Люксембург і Карла Лібкнехта. У сакавіку 1942 года Г. М. Сямёнаў быў арыштаваны акупантамі і пасля катавання павешаны.

Пасмяротна ўзанагароджаны ордэнам Айчсыннай вайны I ступені^[4]. У Мінску у гонар Г. М. Сямёнава ў 1964^[5] годзе была названа адна з вуліц у Ленінскім раёне. У 1966 годзе ўстаноўлена мемарыяльная дошка^[5] на доме, дзе жыў Г. М. Сямёнаў.