Георгій Пятровіч Дубікоўскі

Георгій Пятровіч Дубіко́ўскі^[1] (18 мая 1934, Гродна — 2000^[2]) — вучоны ў галіне глебазнаўства, доктар сельскагаспадарчых навук (1976), прафесар (1987). Член-карэспандэнт Акадэміі аграрных навук Беларусі (1996)

Георгій Пятровіч Дубікоўскі
Дата нараджэння	18 мая 1934(1934-05-18)
Месца нараджэння	Гродна, Гродзенскі павет, Беластоцкае ваяводства, Польская Рэспубліка
Дата смерці	2000
Грамадзянства	Польская Рэспубліка  Беларусь  СССР
Навуковая сфера	глебазнаўства
Месца працы	БДУ Інстытут сацыялістычнай сельскай гаспадаркі АН БССР агранамічны факультэт ГДАУ
Навуковая ступень	доктар сельскагаспадарчых навук (1976)
Навуковае званне	прафесар член-карэспандэнт Акадэміі аграрных навук Беларусі[d]
Альма-матар	Гродзенскі сельскагаспадарчы інстытут (1957)

Біяграфія

Нарадзіўся ў горадзе Гродна. У 1957 годзе скончыў Гродзенскі сельскагаспадарчы інстытут. У 1962—1969 гг. працаваў на пасадзе навуковага супрацоўніка ў Беларускім дзяржаўным універсітэце. Абараніў кандыдацкую дысертацыю на тэму «Содержание и распределение микроэлементов в дерново-подзолистых почвах БССР». З 1969 года ў Беларускім навукова-даследчым інстытуце глебазнаўства і аграхіміі, дзе з 1977 года займаў пасаду загадчыка лабараторыяй мікраэлементаў. Абараніў доктарскую дысертацыю на тэму «Закономерности распределения микроэлементов в почвах Белорусской ССР и их влияние на растения». З 1985 па 2000 год узначальваў кафедру аграхіміі і глебазнаўства і сельгасэкалогіі Гродзенскага дзяржаўнага аграрнага ўніверсітэта^[3].

Памёр у 2000 годзе.

Навуковая дзейнасць

Г. П. Дубікоўскаму належаць навуковыя працы ў галіне біяхіміі і матэматычнага мадэлявання заканамернасцей размеркавання мікраэлементаў у глебе. Займаўся распрацоўкай навуковых асноў жыўлення раслін мікраэлементамі, арганізацыі вытворчасці іх прамысловых форм, пытаннямі медыцынскай геаграфіі і аховы навакольнага асяроддзя.

Аўтар і сааўтар патэнтаў «Способ получения гранулированногоизвесткового удобрения», «Способ получения калийных удобрений»^[4].

Сярод апублікаванага:

• Микроэлементы в почвах БССР и эффективность микроудобрений / Бел. гос. ун-т им. В. И. Ленина; И. С. Лупинович, Г. П. Дубиковский, В. Л. Федотов и др. — Мн., 1970.;
• Микроэлементы в почвах СССР. — Мн., 1981. (у сааўтарстве).
• Эффективность серусодержащих и микроудобрений на дерново-подзолистых почвах / Г. П. Дубиковский, М. П. Шкель — Минск: БелНИИНТИ, 1981.
• Применение новых форм жидких комплексных азотных удобрений на основе КАС в сельскохозяйственном производстве: [практическое руководство] / [Г. П. Дубиковский, Ф. Н. Леонов, Е. Б. Лосевич]; М-во сел. хоз-ва и продовольствия Респ. Беларусь, Учеб.- метод. центр. — Минск: [б. и.], 2000. ISBN 985-6152-38-0

Зноскі

1. Энцыклапедыя прыроды Беларусі. У 5-і т. Т. 2. Гатня — Катынь / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — 522 с. — 10 000 экз.
2. Дубікоўскі, Георгій Пятровіч (доктар сельскагаспадарчых навук; 1934—2000) // Нацыянальная бібліятэка Беларусі
3. Кафедра агрохимии почвоведения и сельхозэкологии (руск.) // Гродзенскі дзяржаўны аграрны ўніверсітэт
4. PatentDB.ru — База патентов РФ на изобретения и промышленные образцы (руск.)