Георгій Сцяпанавіч Грыгор’еў

Георгій Сцяпанавіч Грыгор’еў (нар. 1924, в. Лошкі, Мажайскі павет, Маскоўская губерня — 20 студзеня 1944, в. Ваўчкі, Віцебскі раён) — Герой Савецкага Саюза.

Георгій Сцяпанавіч Грыгор’еў
Дата нараджэння	1924
Месца нараджэння	Мажайскі павет[d], Маскоўская губерня, РСФСР, СССР
Дата смерці	20 студзеня 1944(1944-01-20)
Месца смерці	Віцебскі раён, Віцебская вобласць, Беларуская ССР, СССР
Месца пахавання	Віцебскі раён
Грамадзянства	СССР
Бітвы/войны	Вялікая Айчынная вайна
Узнагароды і званні
Медыяфайлы на Вікісховішчы

У Вікіпедыі ёсць артыкулы пра іншых людзей з прозвішчам Грыгор’еў.

Біяграфія

Пасля заканчэння сямігадовай школы паступіў у чыгуначнае вучылішча ў Любліне.

У лютым 1942 года трапіў на фронт. Неаднаразова прабіраўся ў тыл праціўніка і ўдзельнічаў у самых рызыкоўных аперацыях.

Служыў у 114-й стралковай брыгадзе, а са студзеня 1944 года — у 94-й асобнай гвардыі разведроты.

У ноч з 19 на 20 студзеня 1944 года групе разведчыкаў пад кіраўніцтвам Грыгор’ева было загадана прабрацца да перадавых варожых пазіцый у раёне вёскі Ваўчкі (на поўдзень ад Віцебска) і ўзяць у палон афіцэра. Разведчыкам удалося выявіць нямецкі штаб, захапіць жывымі двух «языкоў». У перастрэлцы Георгій Грыгор’еў атрымаў сур’ёзнае раненне. Разведчыкі былі блакіраваныя. Коштам уласнага жыцця ён дапамог таварышам адысці і адвесці з сабой палонных.

Указам Прэзідыума Вярхоўнага Савета СССР ад 3 чэрвеня 1944 года за ўзорнае выкананне баявых заданняў камандавання на фронце барацьбы з нямецка-фашысцкімі захопнікамі і праяўленыя пры гэтым мужнасць і гераізм гвардыі сяржанту Грыгор’еву Георгію Сцяпанавічу пасмяротна прысвоена званне Героя Савецкага Саюза.

Узнагароды

• Герой Савецкага Саюза
• Ордэн Леніна
• Ордэн Айчыннай вайны I ступені
• Ордэн Чырвонай Зоркі

Паяць

• На тэрыторыі воінскага мемарыяльнага комплексу імя Ленінскага камсамола ў в. Копці Віцебскага раёна Віцебскай вобласці Беларусі ў 2013 годзе быў устаноўлены помнік.

Літаратура

• Русланова, Н. Величие подвига / Н. Русланова // Жыццё Прыдзвіння (Віцебск). — 2013. — 6 ліп. — С. 4.
• Георгій Сцяпанавіч Грыгор’еў на сайце «Героі краіны»