Герард Дэнгаф (ваявода паморскі)

У Вікіпедыі ёсць артыкулы пра іншых асоб з падобнымі імёнамі, гл. Дэнгаф і Герард Дэнгаф.

Герард Дэнгаф (15 студзеня 1590 — 23 снежня 1648) — дзяржаўны і ваенны дзеяч Рэчы Паспалітай, камандзір нямецкай пяхоты (1621), кашталян гданьскі (1642), ваявода паморскі (1643—1648), падскарбі Прускай зямлі (1643), маршалак двара каралевы (1645), староста мальбаркскі, касцяжынскі, фелінскі, люцынскі і эканом мальбаркскі.

Герард Дэнгаф
польск.: Gerard Denhoff
Герб «Дзік»
Ваявода паморскі 1643 — 1648
Папярэднік	Павел Ян Дзялынскі
Пераемнік	Людвік Вейхер
Нараджэнне	15 студзеня 1590(1590-01-15) Мальбарк
Смерць	23 снежня 1648(1648-12-23) (58 гадоў) Мальбарк
Месца пахавання	Эльблёнг
Род	Дэнгафы
Бацька	Герард Дэнгаф
Маці	Маргарыта фон Zweiffeln
Жонка	1) Катарына Апалінская 2) Сібіла Маргарыта Бжэгская
Дзеці	ад другога шлюбу: Уладзіслаў, Катарына Ядвіга, Канстанцыя Ганна, Сібіла
Веравызнанне	кальвінізм
Медыяфайлы на Вікісховішчы

Біяграфія

Паходзіў з нямецка-балтыйскага шляхецкага роду Дэнгафаў герба «Дзік». Сын ваяводы дорпацкага Герарда Дэнгафа (пам. 1598?) і Маргарыты фон Цвайфельн (пам. 1622). Браты — ваявода парнаўскі Эрнэст Магнус Дэнгаф (1581—1642), палкоўнік Герман Дэнгаф (пам. 1620), ваявода дорпацкі і ваявода серадзскі Каспер Дэнгаф (1588—1645).

На працягу ўсяго жыцця быў заўзятым кальвіністам. У 1621 годзе камандаваў нямецкай пяхотай у Каралеўскай Прусіі. У 1624—1625 гадах удзельнічаў у вайне са Швецыяй у Каралеўскай Прусіі, у 1629 годзе праславіўся падчас абароны Торуні ад шведаў. У якасці пасла Уладзіслава IV Вазы ездзіў з дыпламатычнай місіяй у Капенгаген. З'яўляўся саветнікам польскага манарха па марскіх справах. У 1635 годзе быў прызначаны членам і старшынёй каралеўскай ваенна-марской камісіі, удзельнічаў у аднаўленні і развіцці флоту. Разам з Ежы Асалінскім стварыў праект стварэння марской мытні. У 1642 годзе Герард Дэнгаф быў прызначаны кашталянам гданьскім. У 1643 годзе стаў ваяводай паморскім і падскарбіем Прускай зямлі. У 1645 годзе Герард Дэнгаф вёў у Парыжы перамовы аб заключэнні шлюбу паміж польскім каралём Уладзіславам IV Вазам і французскай прынцэсай Марыяй Луізай Ганзага.

У снежні 1648 года ваявода паморскі Герард Дэнгаф сканаў у Мальбарку, быў пахаваны ў Эльблёнгу.

Сям’я

Продкі

Шлюб і дзеці

Быў двойчы жанаты. У 1629 годзе першым шлюбам ажаніўся з Катарынай Апалінскай (1596—1625), дачкой крайчага кароннага Пятра Апалінскага (1566—1600) і Эльжбеты Збароўскай, удавой кашталяна гданьскага Дымітра Вейхера (каля 1578—1628), ад шлюбу з якой дзяцей не меў.

У жніўні 1637 года ажаніўся ў другі раз з Сібілай Маргарытай Бжэгскай (1620—1657), дачкой князя бжэгскага, лягніцкага і сцінаўскага Яна Крысціяна (1591—1639) і Даратэі Сібілы Брандэнбургскай (1590—1625). Дзеці:

• Уладзіслаў Дэнгаф (1639—1683), палкоўнік пяхотнага палка (1664), камандзір каралеўскай гвардыі, падкаморы паморскі (1668), кашталян хэлмінскі (1677), ваявода паморскі (1677—1683), падскарбі Прускай зямлі (1679), староста скашэўскі
• Катарына Ядвіга Дэнгаф (пам. да 1668), 1-ы муж ваявода мальбаркскі Людвік Вейхер (пам. 1656), 2-і муж з 1661 года ваявода пазнаньскі Войцех Канстанцін Брэза (каля 1620—1699)
• Канстанцыя Ганна Дэнгаф, 1-ы муж ваявода хэлмінскі Ян Кос (пам. 1662), 2-і муж ваявода мальбаркскі Ян Ігнацы Банкоўскі (каля 1615—1679)
• Сібіла Дэнгаф, муж — падкаморы калішскі Пётр Жыхлінскі.

Літаратура

• Kilian Heck, Christian Thielemann (Hrsg.): Friedrichstein. Das Schloß der Grafen von Dönhoff in Ostpreußen. Deutscher Kunstverlag, München/Berlin 2006, ISBN 3-422-06593-8; S. 13f., 19-23, 26, 204 und 293.

Спасылкі

• DENHOFFOWIE Архівавана 13 красавіка 2011.