Герберт Мак-Мастэр

Герберт Рэйманд Мак-Мастэр (англ.: Herbert Raymond McMaster; нар. 24 ліпеня 1962) — амерыканскі ваенны і дзяржаўны дзеяч, генерал-лейтэнант.

Герберт Мак-Мастэр
англ.: Herbert Raymond McMaster
26-ы саветнік прэзідэнта ЗША па нацыянальнай бяспецы[d] 20 лютага 2017 — 9 красавіка 2018
Папярэднік	Кіт Келаг
Пераемнік	Джон Болтан
Нараджэнне	24 ліпеня 1962(1962-07-24)[1][2][…] (63 гады) Філадэльфія, акруга Філадэльфія, Пенсільванія, ЗША
Партыя	беспартыйны
Адукацыя	Універсітэт Паўночнай Караліны ў Чапел-Хіл Ваенная акадэмія ЗША Ваенная акадэмія і каледж Уэлі-Форс[d] Камандна-штабны каледж арміі ЗША[d] Агульнавайсковы штабны каледж[d]
Дзейнасць	нацыянальная бяспека[d][3], бяспека жыццядзейнасці[d][3] і палітычнае кансультаванне[d][3]
Род войскаў	Армія ЗША
Званне	генерал-лейтэнант і генерал-лейтэнант[d]
Камандаваў	ISAF
Бітвы	Вайна ў Персідскім заліве Іракская вайна Operation Enduring Freedom[d]
Узнагароды	Пахвальны медаль[d]
Медыяфайлы на Вікісховішчы

У 2014 годзе часопіс Time ўключыў яго ў спіс 100 самых уплывовых людзей свету.

Біяграфія

Нарадзіўся ў Філадэльфіі, штат Пенсільванія. Бацька быў кадравым вайскоўцам-пяхотнікам і ваяваў у В’етнаме. Маці працавала школьнай настаўніцай.

Мак-Мастэр хадзіў у школу Ваеннай акадэміі Вэлі-Фордж. Захапляўся футболам і баскетболам. У 1984 годзе скончыў Ваенную акадэмію ЗША ў Вест-Пойнце. Далей паступіў у паветрана-дэсантную школу ў Форт-Бэнінг, адвучыўшыся папярэдне на курсах асноўнай падрыхтоўкі афіцэраў бранятанкавых войск. У 1985 годзе скончыў школу рэйнджараў, куды паступіў для таго, каб лепш падрыхтавацца да кіравання сухапутнымі падраздзяленнямі.

У 1999 годзе скончыў камандна-штабны каледж арміі ЗША, у 2003 — каледж арміі ЗША. У 90-х абараніў вучоныя ступені магістра і доктара філасофіі ў галіне ваеннай гісторыі ва Універсітэце Паўночнай Караліны.

Мак-Мастэр удзельнічаў у вайне ў Персідскім заліве, ваяваў у Афганістане і Іраку. Ён удастоены мноства ваенных узнагарод. Узначальваў цэнтр інтэграцыі баявых магчымасцяў сухапутных войскаў арміі ЗША. У сакавіку 2017 года Камітэт Сената па справах узброеных сіл пераважнай большасцю галасоў зацвердзіў Герберта Мак-Мастэра на пасаду кіраўніка Савета нацыянальнай бяспекі.

Сям’я

Жанаты, жонка — Кэтлін Тротэр. У шлюбе нарадзілася трое дачок.