Герб Віцебска

Герб Віцебска — геральдычны сімвал Віцебска, нададзены гораду каралём польскім і вялікім князем літоўскім Жыгімонтам Вазам 17 сакавіка 1597: «у блакітным полі пагрудная выява Ісуса Хрыста, пад якой чырвоны меч»^[1].

Герб 1597 года

Герб Віцебска
Дэталі
Суб’ект	Віцебск
Зацверджаны	2 чэрвеня 2009
Шчыт	выява Збавіцеля меч
Шчытатрымальнікі	анёлы са стужкамі блакітнага колеру ў руках
Заснаванне	2 чэрвеня 2009
Раннія версіі	17 сакавіка 1597 9 лютага 2004

Вытрымка з адпаведнага велікакняжацкага прывілею:

Герб надаем месту нашему Витебскому в блакитном полю образ Спаса Збавителя нашего, и при том зараз трохи нижей меч голый червоный, что ся мает разуметь кровавый.

У сучаснай Беларусі афіцыйны статус атрымаў 9 лютага 2004^[2].

Афіцыйнае апісанне:

Герб горада Віцебска ўяўляе сабой выяву ў блакітным полі іспанскага шчыта абраза Спаса Збавіцеля ў профіль, пад ім знаходзіцца аголены чырвоны меч. У якасці трымальнікаў шчыта — фігуркі анёлаў.

Арыгінальны тэкст (руск.)  

Герб города Витебска представляет собой изображение на голубом поле испанского щита образа Спаса Спасителя в профиль, под ним размещается обнаженный червленый меч. В качестве щитодержателей - фигурки ангелов.

Аднак 2 чэрвеня 2009 герб Віцебска зацвердзілі наноў, з іншым апісаннем^[3].

Апісанне

Герб горада Віцебска ўяўляе сабой іспанскі шчыт, у блакітным полі якой выява абразу Збавіцеля, звернутага направа, вакол яго галавы зверху праваруч — літары «IΣ» і леваруч — літары «ХΣ» з тытламі, ніжэй праваруч і леваруч — дзве літары «З» з тытламі. У ніжняй частцы шчыта выява накіраванага лязом налева срэбнага меча з залатой ручкай. Шчыт размяшчаецца ў чырвоным картушы барочнай формы, які дапаўняецца чырвонымі кветкамі і зялёнымі стужкамі. Пад ім знаходзяцца дзве лаўровыя галіны зялёнага колеру, пераплеценыя чырвонай стужкай. Герб завяршае херувім з распасцёртымі крыламі. У якасці трымальнікаў тарчы выявы двух анёлаў са стужкамі блакітнага колеру ў руках.

• 
  Пячатка з гарадскім гербам. 1559
• 
  Пячатка з гарадскім гербам. 1597
• 
  Пячатка з гарадскім гербам. 1599
• 
  Пячатка з гарадскім гербам. 1669
• 
  Пячатка з гарадскім гербам. 1684

Гл. таксама

• Герб Віцебскага раёна
• Герб Віцебскай вобласці
• Сцяг Віцебска

Зноскі

1. Цітоў А. Геральдыка беларускіх местаў (XVI — пачатак XX ст.). — Мн.: Полымя, 1998. — 287 с. — ISBN 985-07-0131-5.
2. Указ президента Республики Беларусь от 9 февраля 2004 г. № 60 «Об учреждении официальных геральдических символов административно-территориальных единиц Витебской области».
3. Указ президента Республики Беларусь от 2 июня 2009 г. № 277 «Об утверждении официальных геральдических символов административно-территориальных и территориальных единиц Витебской области».