Гетаўт Каленікавіч

Гетаўт Каленікавіч, у хрышчэнні Андрэй (да 1474 — пасля 1528) — баярын полацкі.

Гетаўт Каленікавіч
Дата нараджэння	не пазней за 1474
Дата смерці	не раней за 1528
Грамадзянства	Вялікае Княства Літоўскае
Бацька	Каленік Каленікавіч[d]
Дзеці	Данімітра Гетаўтаўна[d] і Марыя Гетаўтаўна[d]

Сын кіеўскага баярына Каленіка Каленікавіча, унук Каленіка Мішкавіча. Упершыню згадваецца пад 1488 годам разам з братам Акушкам Каленікавічам, калі атрымаў ад караля Казіміра 8 коп грошаў з кіеўскага мыта^[1]. У маі 1497 года атрымаў пацвярджэнне гаспадара на куплю сяла Пятроўскага на Вязыні ў княгіні Федзькі Алешкаўны Іванавай, яе зяця і дачкі, а таксама сяла Сухадолы ў Мішкі Суеціча^[2]. Выслужыў у вялікай княгіні Алены Іванаўны маёнткі «на Ворцы и на Мерех», пазней абмяняўся імі з падляшскім ваяводам Іванам Сапегам на яго маёнткі ў Полацкім павеце — Чуракі, Беразую, Васілевічы, Рукшанічы, Лыскава і двор у полацкім замку, што 13 студзеня 1517 года зацвердзіў прывілеем кароль Жыгімонт Стары.^[3] У 1514 годзе атрымаў на вечнасць чатыры «чалавекі» і дзве зямлі «пустоўскія» ў Браслаўскім павеце^[4].

На Попіс 1528 года як полацкі баярын ставіў са сваіх маёнткаў 9 «коней»^[5].

Меў сыноў Томку, Аляксандра і Мацвея — полацкіх баяр^[6]; дачок Мар’ю (у шлюбе з Іванам Глебавічам Корсакам, гараднічым полацкім) і Данімітру (у першым шлюбе з Міхаілам Гарабурдам, вялікім пісарам літоўскім, другі сужэнец пэўна не вызначаны)^[3].

Зноскі

1. LM-4 2004, p. 76.
2. LM-6 2007, p. 162.
3. Статкевіч-Чагабанаў 2011, с. 83.
4. LM-9 2003, p. 221, 325.
5. РИБ Т. 33 1915, стб. 194.
6. Статкевіч-Чагабанаў 2011, с. 84.