Глушэц (возера)

У паняцця ёсць і іншыя значэнні, гл. Глушэц (значэнні).

Глушэ́ц — возера ў Гомельскім раёне Гомельскай вобласці Беларусі на пойме ракі Сож, за 20 км у напрамку на поўдзень ад Гомеля, за 1,2 км на паўночны захад ад вёскі Старыя Дзятлавічы.

Глушэц
Морфаметрыя
Вышыня над узроўнем мора	каля 113,6[1] м
Даўжыня	4,77 км
Шырыня	0,15 км
Плошча	0,48 км²
Даўжыня берагавой лініі	9,7 км
Басейн
Упадаюць	Случ-Мільча
Размяшчэнне
Краіна	Беларусь
Рэгіён	Гомельская вобласць
Глушэц
Глушэц

Плошча паверхні возера 0,48 км². Даўжыня 4,77 км, найбольшая шырыня 0,15 км, даўжыня берагавой лініі 9,7 км.
Катлавіна возера старычнага тыпу, выгнутая ў форме падковы. Схілы катлавіны пясчаныя, стромкія, вышынёй 5—6 м. Берагавая лінія слабазвілістая. У паўночнай частцы ў возера ўпадае рака Случ-Мільча. На ўсходзе выцякае ручай у Сож.

У возеры водзяцца лешч, шчупак звычайны, акунь, плотка, язь, лінь, краснапёрка і іншыя віды рыб^[2].

Зноскі

1. Ліст карты N-36-134. Выданне 1989 г. Стан мясцовасці на 1985 г. (руск.)
2. Республика Беларусь. Атлас охотника и рыболова: Гомельская область / Редактор Г. Г. Науменко. — Мн.: РУП «Белкартография», 2011. — С. 28. — 68 с. — 10 000 экз. — ISBN 978-985-508-107-5. (руск.)