Гольша (рака)

Гольша, Галыша^[2] — рака ў Горацкім і Дрыбінскім раёнах Магілёўскай вобласці Беларусі, правы прыток ракі Проня (басейн Дняпра).

Гольша, Галыша
Характарыстыка
Даўжыня	37 км
Басейн	225 км²
Расход вады	1,4 м³/с (у вусці)
Вадацёк
Выток
• Месцазнаходжанне	за 3 км на паўночны захад ад вёскі Чапялінка
• Каардынаты	54°17′22″ пн. ш. 30°48′22″ у. д.HGЯO
Вусце	Проня
• Месцазнаходжанне	за 1 км на паўднёвы захад ад гарадскога пасёлка Дрыбін
• Вышыня	154,0[1] м
• Каардынаты	54°06′36″ пн. ш. 31°03′36,50″ у. д.HGЯO
Ухіл ракі	0,9 м/км
Размяшчэнне
Водная сістэма	Проня → Сож → Дняпро → Чорнае мора
Краіна	Беларусь
Рэгіён	Магілёўская вобласць
Раёны	Горацкі раён, Дрыбінскі раён
выток вусце
— выток, — вусце

Даўжыня ракі 37 км, з іх 29 км на тэрыторыі Горацкага раёна^[3]. Плошча вадазбору 225 км². Сярэдні нахіл воднай паверхні 0,9 м/км. Сярэднегадавы расход вады ў вусці 1,4 м³/с.

Асноўныя прытокі

• Праваруч: Дабранка (ручай Касічка, Касянка, Касячка)^[3].
• Леваруч: Малая Галыша^[3].

На рацэ

• У Горацкім раёне: Мацюты, Стан, Старынка, Балбечына, Панкратаўка, Галышына, Ермакі (Горацкі раён).
• У Дрыбінскім раёне: Язычкава, Гарадзецк, Ярыгі, Міхееўка, Новае Прыбужжа.

Агульныя звесткі

Пачынаецца за 3 км на паўночны захад ад вёскі Чапялінка Горацкага раёна, вусце за 1 км на паўднёвы захад ад гарадскога пасёлка Дрыбін. Вадазбор на паўночнай ускраіне Аршанска-Магілёўскай раўніны.

Даліна ракі скрынкападобная, глыбока ўрэзаная, шырыня яе 0,5—1 км. Абалона двухбаковая, месцамі забалочаная, шырынёй 0,2—0,7 км. Рэчышча каналізаванае на 10 км ад вытоку, ніжэй вольна меандруе, звілістае, шырыня ракі ў ніжнім цячэнні ў межань 8—10 м. Берагі стромкія, абрывістыя, параслі лесам.

Зноскі

1. Ліст карты N-36-63. Выданне 1982 г. (руск.)
2. БелЭн 1997.
3. Общая характеристика речной сети Могилёвской области (в разрезе районов) // Справочник «Водные объекты Республики Беларусь»(недаступная спасылка) (руск.)